Matiu 14:11 - Edo Bible (E Baibol Ẹdo) Version 1996

¹¹ Iran keghi mu uhunmwu ni ye ọkpan mu gie ọmọ okhuo ni, rẹn keghi vbe mu gie iye ẹe.

Matiu 14:11 ပူးပေါင်းရင်းမြစ်များ

Gẹnẹsis 49:7

I hẹn nọ ne ohu ne ọ mu iran rhunmwuda ọ wegbe gbe, ke vbene okuosu iran, rhunmwuda ọ kan gbe. I gha zagha iran la otọ e Jekọb hia I gha duẹ iran an ye uwu ivbi Izrẹl.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Itan 29:10

Emwa ne okuo ọpia yẹ, te iran ra khuiwu ọmwa ne ọ ta ẹmwata, sokpan, emwa ẹmwata ghi hẹko tan obọ ga ọmwa vberriọ.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Ezikiẹl 35:6

Rhunmwuda ọnii nian, omwa vbene a na miẹn wẹ mẹ ne Nọyaẹnmwa ne Udazi ọrọre Osanobua ne ọ rrọọ, uwu ọrọre ne a zẹ khẹ uwa, wa i ra vbe sẹtin le ọre fe. Te uwa de emwa izigha, a gha vbe de uwa izigha.

Matiu 14:10

Rhunmwuda ọnii ọre iran na ya fian e Jọn uhunmwu vbe uwu eghan.

Matiu 14:12

Avbe erhuanegbe Jọn keghi ya mu ikun e Jọn, iran ghi re ẹre nẹ, iran na ya tama Jesu.

Matiu 14:8

Zẹ vbe iro ne iye ẹe gu ẹe zẹ, ọmọ ni keghi ya nọ e Hẹrọd wẹẹ, “Ya mu uhunmwu e Jọn ne Ọsamẹ ye ọkpan gunmwẹ vbe emwa na.”

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.