Matiu 13:8 - Edo Bible (E Baibol Ẹdo) Version 1996

⁸ Sokpan eso dele ye otọ ne ọ maa, iran keghi mọ, eso iyisẹn eso iyeha, eso ọgban.”

Matiu 13:8 ပူးပေါင်းရင်းမြစ်များ

Gẹnẹsis 26:12

Aizik keghi mu ugbo vbe ẹvbo nii vbe ukpo nii, emwi ne ọ rhọre keghi ya ukhukhu arriaisẹn bun sẹ vbe ne ọ ya kọ, rhunmwuda e Nọyaẹnmwa fiangbẹe.

Matiu 13:23

Emwiokọ ni rre otọ ne ọ maa ọrọre iran ni họn ẹn, ọ keghi vbe la iran ekhọe, iran kevbe mọ ọmọ eso iyisẹn, eso iyeha, eso ọgban.”

Matiu 13:7

Eso kevbe kharha ye uwu igban. Ugbẹn vbe ọ ghi zọọ, igban keghi khuakhua gbua.

Iyẹn ne ọ Maan Ọghe Mak 4:20

Sokpan emwa ọvbehe eso yevbe emwi ne a kọ ye otọ ne ọ maa. Iran họn ẹmwẹ nii, iran rhan obọ miẹn ẹnrẹn, iran keghi mọ, eso ọgban, eso iyeha, eso iyisẹn.”

Iyẹn ne ọ Maan Ọghe Mak 4:8

Sokpan, emwiokọ eso keghi kharha ye ehe ne ọ maa, enii keghi zọọ, iran wan rẹn, iran keghi mọ ẹsẹse, eso ọgban, eso iyenẹ, eso iyisẹn.”

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Iyẹn ne ọ Maan Ọghe Luk 8:8

Emwiokọ eso keghi dele ye otọ ne ọ maa, iran keghi wan, iran mọ ọmọ ọkpọkpa vbọ iyisẹn iyisẹn.” Jesu keghi rhie tẹe wẹẹ, “Ne ehọ re họn ẹmwẹ gie ẹre họn.”

Iyẹn ne ọ Maan Ọghe Jọn 15:8

Odẹ vberriọ ọre a ya rhie uyi Erha mwẹ maa, wa ghi kakabọ mọ, wa ghi do gha re erhuanegbe mwẹ.

Ebe ne Pọl gbẹẹn gie emwa Rom 7:18

Mẹ rẹnrẹn wẹ, emwi ne ọ maa rhọkpa i rre uwu imẹ, vbe ikinnegbe mwẹ kẹkan na, rhunmwuda, a gha rhe miẹn wẹ emwi ne ọ maa te yẹ mwẹ ne a ru, sokpan ẹ i gun mwẹ ru.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.