Matiu 13:6 - Edo Bible (E Baibol Ẹdo) Version 1996

⁶ Ugbẹn vbe ovẹn ghi yunmwu, ọ keghi luẹluẹ, ukhu ẹre ne ọ da zọọ keghi kakaa rhunmwuda inian rẹn ma he la otọ dinmwi.

Matiu 13:6 ပူးပေါင်းရင်းမြစ်များ

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Matiu 13:21

Rhunmwuda ighẹ ọ ma dinmwi ye iran ekhọe, ẹ i tọ. Ukpokpo kevbe orueghe ghi rre rhunmwuda ẹmwẹ ni, iran keghi khuọn kua ọwarọkpa.

Matiu 13:5

Eso vbọ dele ye otọ okuta, ehe ne ekẹn i mobọ ye. Rhunmwuda ighẹ ẹ i dinmwi vbe uwu otọ, ọ na rherhe zọọ.

Matiu 13:7

Eso kevbe kharha ye uwu igban. Ugbẹn vbe ọ ghi zọọ, igban keghi khuakhua gbua.

Iyẹn ne ọ Maan Ọghe Mak 4:6

Sokpan ugbẹn vbe ovẹn ghi yan rre, ọ keghi giẹn emwiokọ ne ọ da zọ nii, rhunmwuda ighe inian rẹn ma he la uwu otọ ẹse, wanwan na, ọ na wa kakaa.

Iyẹn ne ọ Maan Ọghe Luk 8:13

Emwiokọ ni dele ye otọ okuta mudia ye ihe iran ni họn ẹmwẹ nii, iran na ye oghọghọ miẹn rẹn, sokpan ọ ma mu iran ekhọe, iran keghi yayi vbe ẹghẹ kherhe, sokpan edanmwẹ ghi rre, ehia keghi dele.

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.

Kọlose 2:7

Wa gie inian uwa dinmwi ye uwu irẹn, wa hẹnhẹn ẹdẹ agbọn uwa yan irẹn, ne uwa gha wegbe yọ vbe uwu iyayi uwa, zẹ vbene a ma uwa ẹre. Wa gie ẹko uwa vuọn ne ekpọnmwẹ.

Arhie Maan 7:16

Ohanmwẹ i ghi gbe iran ọvbehe, ohanmwẹ amẹ i ghi vbe gbe iran, ovẹn ra emwi owowo ne ọ rhirhi gha khin, ghi gbe iran ọvbehe.