Matiu 13:54 - Edo Bible (E Baibol Ẹdo) Version 1996

⁵⁴ ọ keghi kpa vbe evba, ọ na gha rrie ẹvbo irẹn tobọ irẹn, ọ kegha ma emwa emwi vbe Ọgua ediọn iran. unu keghi wa yan emwa hia ni họn ẹmwẹ ọnrẹn. Iran nọ egbe iran ọta wẹẹ, “De ehe ne ọ na ya miẹn ẹwaẹn na hia yi? Wa vbe ghe iwinna ọyunnuan ne ọ winna.

Matiu 13:54 ပူးပေါင်းရင်းမြစ်များ

Psalm 22:22

I gha na iyẹn emwi ne u ru mẹ, ma emwa mwẹ. I gha rho ruẹ vbe uwu ẹbu iran:

Matiu 2:23

Ọ keghi ya yin ẹvbo ne a tie ẹre Nazarẹt. Ọ ru vberriọ ne ẹmwẹ avbe akhasẹ miẹn ehe na sẹ wẹẹ, “A gha tie ẹre ovbi e Nazarẹt.”

Matiu 4:23

Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Matiu 7:28

Ugbẹn vbe Jesu ghi guan ẹmwẹ na hia nẹ, unu keghi yan emwa ni rre evba rhunmwuda, vbene ọ ya ma emwa emwi hẹ.

Iyẹn ne ọ Maan Ọghe Luk 2:47

Unu keghi yan emwa hia ni danmwehọ ẹre ye ẹwaẹn ne ọ ya rhie ewanniẹn ye inọta.

Iyẹn ne ọ Maan Ọghe Jọn 1:11

Rẹn kegha die ẹvbo irẹn tobọ ẹre, sokpan avbe emwa rẹn ma rhan obọ miẹn rẹn.

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

I Samuẹl 10:11

Emwa ni ka rẹn ọnrẹn yi ghi miẹn ọẹn vbe ọ ru emwi vberriọ, iran kegha nọ egbe wẹẹ, “Vbọ ghi rruan ovbi e Kis yi? E Sọl vbe khian akhasẹ nẹ ra?”