Matiu 13:52 - Edo Bible (E Baibol Ẹdo) Version 1996

⁵² Ọ keghi dọlegbe tama iran wẹẹ, “Ọnii rhie ma wẹ deghẹ ọma emwa Uhi ọkpa do khian ọrhuanegbe vbe uwu Arriọba ẹrinmwi, rẹn ghi do yevbe ọdafẹn nọyan owa, ọ ghi vbe gha viọ emwi ọgbọn kevbe emwi ọwiẹyi ke uwu aza ẹre ladian.”

Matiu 13:52 ပူးပေါင်းရင်းမြစ်များ

Ẹzra 7:10

Te Ẹzra wa mu aro ye ẹmwẹ nene uhi e Nọyaẹnmwa ne a ruẹ, kevbe ne a ya ruemwi kevbe ne ọ gha ma ivbi Izrẹl ne uhi kevbe ilele ni rrọọ.

Ẹzra 7:21

“I yan tama iran ni gbe aro ghe aza ni rre odẹ Orrie otọe e Yufretes hia wẹẹ emwi hia ne Ẹzra a rhirhi nọ ra avbe ohẹn, ra iran ni rẹn Uhi ọghe Osanobua Ẹrinmwi, wa ghi viọ ne iran.

Ẹzra 7:6

Ẹzra kegha re ọgbẹn ebe ne ọ wa rẹn ọnrẹn ẹsẹse ighẹ Uhi ne Nọyaẹnmwa ne Osanobua Izrẹl rhie ne Mosis. Rhunmwuda ne afiangbe Nọyaẹnmwa ne Osanobua ẹre na gha rre Ẹzra egbe, Nọgbaisi keghi wa viọ emwi hia ne ọ nọrẹn ne ẹẹn. Ọ ghi rre ukpo ihinrọn ne Atakzaziz la ẹkete, Ẹzra keghi viọ ivbi Izrẹl eso ba egbe ke Babilọn gha die Jerusalẹm, avbe ohẹn eso kevbe Livai, avbe ọsian Ọgua Osa, iran ni khẹ Ọgua Osa kevbe emwa ni winna eso kegha rre nene usun.

Itan 11:30

Uyinmwẹ esi, te ọ rhie arrọọ ne ọmwa, sokpan, te okhọ miẹn ọmwa ẹre.

Itan 15:7

Obọ avbe umẹwaẹn ọ re irẹnmwi na vẹ gba ehe hia ighe ẹ i re avbe ọzuọ.

Itan 18:4

Ẹmwẹ ne unu ọmwa, sẹtin gha re ehe ne ẹwaẹn ke rre, ne ọ dinmwi vbe okun, ne ọ furre zẹvbe amẹ ezẹ ne ọ lẹ.

Ihuan Ne Ọ Sọọ Ihuan Hia 7:13

U gha sẹtin winhin erhan ni winhin avbe ọmọ erhan ni maa hia sikẹ onurho mwa. Enida, i viọ emwi ni ya ẹko rhiẹnrhiẹn nẹdẹ, ke ọghe orre na khẹ ruẹ.

Matiu 12:35

Aza emwi esi ne ọ mwẹ, ọre ọmwa esi ke viọ emwi esi ladian. Aza emwi dan ne ọ mwẹ, ọre ọmwa dan ke viọ emwi dan ladian.

Matiu 13:51

Jesu keghi nọ avbe erhuanegbe ẹre wẹẹ, “Wa rẹn otọ avbe ẹmwẹ na ra?” Iran wanniẹn tama rẹn wẹẹ, “Ẹn o.”

Matiu 13:53

Jesu ghi kpa avbe itan na nẹ,

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Iyẹn ne ọ Maan Ọghe Luk 11:49

Ọ na ọre ọ si ẹe ne Ẹwaẹn Osanobua na kha wẹ, ‘I gha gie avbe akhasẹ, kevbe odibo mwẹ bu iran, iran gha gbele eso ua vbọ, iran gha zẹ nekpa kpokpo.’

Iyẹn ne ọ Maan Ọghe Jọn 13:34

Uhi ọgbọn ne I yi ne uwa ọrọre wẹ, wa gha ho ẹmwẹ egbe. Zẹ vbene I mẹ ho ẹmwẹ uwa ọre ọ kere ne uwa vbe gha ho ẹmwẹ egbe uwa.

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

Ẹfisọs 3:4

a deghẹ wa gha vbe tie emwi ne I gbẹn na, wa gha rẹn vbe ne I rẹn otọ oro Kristi sẹ hẹ.)

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Kọlose 1:7

Ẹpafras, ọguọmwadia ne ogieva mwa ne ọ ghan, ne ọ ye ẹko ata winna ne Kristi ọre ọ ma uwa ẹre ne ima.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

I Timoti 3:6

Ọ ma kei ne ọ gha re ọmwa ne ọ da yayi, ne a ghẹ miẹn ighẹ te ọ ghi tọn egbe mu, a ghi ya bu abe gbe ẹe zẹ vbene ọghe Esu gha ye.

Taitọs 1:9

Ọ ghi gha re ne ọ yobọ da ẹmwẹ nii yi gbangbaangban, ẹmwẹ nii ne ọ gia mu ẹtin yan kevbe ne ọ gu iruẹmwi nii ro. Odẹ vberriọ ọre ọ gha na sẹtin ye iruẹmwi ẹmwata nii, rhie igiẹdu ne emwa ọvbehe, ọ ghi vbe sẹtin rhie ehe ne iran ni gbe odan yọ na ba odẹ ku, ma agbọn.