Matiu 13:48 - Edo Bible (E Baibol Ẹdo) Version 1996

⁴⁸ Ọ gha ghi vuọn nẹ, avbe ọgbehẹn ghi si ẹe hin oke. Iran ghi tota gha viọ ehẹn ni rre uwu ẹre ladian, iran ghi viọ ni maa ni rrọọ ye okhuae, iran ghi filo ne ẹ i maa ni rrọọ kua.

Matiu 13:48 ပူးပေါင်းရင်းမြစ်များ

Matiu 13:30

Wa gie ọka kevbe ohunhun gba gha wan khian ọ te ya sẹ ẹghẹ emwiorhọ. Mẹ gha tama iran ni rhọ emwiorhọ wẹẹ, wa ka vbọlọ avbe ohunhun ni rrọọ nẹ, ne a gbalọ iran ikun ikun viọ ku erhẹn, iyeke ọnii, wa ke ya si ọka ni rrọọ koko ya aza mwẹ.’ ”

Matiu 13:47

“Arriọba Osanobua vbe yevbe ọga ọgbehẹn ne a nien fi uwu ẹzẹ, ọ keghi vbe mu ehẹn ughughan.

Matiu 13:49

Erriọ zẹ ọre ọ gha ye vbe ẹdẹ okiekie, avbe odibo Osanobua gha ladian ya koko emwa dan hin uwu ẹbu emwa esi rre.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Matiu 4:18

Ugbẹn vbe Jesu ghi lele ọkpẹn okun Galili khian, ọ miẹn etẹn eva ni re ọgbehẹn, Saimọn (ne a vbe tie ẹre Pita) kevbe Andru ne ọtiọnrẹn, iran gha ya ọga gbe ehẹn vbe uwu odighi.