Matiu 13:44 - Edo Bible (E Baibol Ẹdo) Version 1996

⁴⁴ “Arriọba ẹrinmwi yevbe emwighobioye ne a rhie lẹre ye uwu oha. Ugbẹn vbe okpia ọkpa ghi domian miẹn ọẹn, ọ keghi hẹko dọlegbe zẹ ekẹn gue ẹre. Vbene ọ ghi ye ọre sẹ, ọ keghi wa ya khiẹn emwi hia ne ọ mwẹ, ọ ke ya dẹ ako oha ni.

Matiu 13:44 ပူးပေါင်းရင်းမြစ်များ

Job 28:13

A i miẹn ewaẹn vbe uwu ẹbu emwa, ọmwa ne ọ mobọ rẹn igho ẹre ẹ i rrọ.

Itan 16:16

Ọ maa sẹ ukhukhu uri ukhukhu ọgban ne a gha mwẹ ẹwaẹn kevbe irẹnmwi sẹ ne a gha mwẹ igoru kevbe esiliva.

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Itan 18:1

Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Itan 23:23

Emwata, ẹwaẹn, iruẹemwi, kevbe ẹwaẹn esi, ehia wa sẹ ne a ha osa yi, sokpan, emwi ighobioye ne ọ ma kei ne a khiẹn nọ.

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Matiu 13:24

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe ọkpia ọkpa ne ọ kọ emwiokọ esi ye ugbo ẹre.

Matiu 13:46

Ugbẹn vbe ọ ghi miẹn ọkpa ne a i miẹn egbọre, ọ keghi ya khiẹn emwi hia ne ọ mwẹ, ọ keghi ya dẹ ọe.

Matiu 13:47

“Arriọba Osanobua vbe yevbe ọga ọgbehẹn ne a nien fi uwu ẹzẹ, ọ keghi vbe mu ehẹn ughughan.

Matiu 19:21

Jesu tama rẹn wẹẹ, “U gha ho ne ọ gba nuẹn fo, ya khiẹnnẹ emwi hia ne u mwẹ, viọ igho ẹre ne avbe ivbiogue, u gha mwẹ ẹfe vbe ẹrinmwi, bu mwẹ gha dee ne u do gha lele mwẹ khian.”

Matiu 19:27

Pita keghi wa gbe ẹre ẹho rua ma Jesu wẹẹ, “Ma ni sẹ emwi hia rae do gha lele uẹ na, de emwi ne ọ ra sẹ ima obọ?”

Matiu 19:29

Debare, ọmwaikọmwa ne ọ sẹ owa rae kevbe etẹn nikpia, etẹn nikhuo, erha ra iye, emọ ra ugbo rhunmwuda mwẹ, ukhukhu iyisẹn avbe emwi na hia gha sẹ ọre obọ deba ẹfe ne ẹ i mwẹ ọfo.

Matiu 6:21

Rhunmwuda ehe ne ẹfe uwa ye ọre ekhọe uwa gha vbe gha ye ẹghẹ hia.

Iyẹn ne ọ Maan Ọghe Luk 14:33

Jesu keghi kha wẹẹ, “Erriọ ọ wa ye zẹ, ne ọ gha sẹtin ru ọrhuanegbe vbe uwu uwa i rrọọ a deghẹ Ọ ma sẹ emwi nẹ ọ mwẹ hia rae.

Iyẹn ne ọ Maan Ọghe Jọn 6:35

Jesu tama iran wẹẹ, “Mẹ ọrọre evbare ẹfe, ọmwa ne ọ rhirhi bu mwẹ rre, ohanmwẹ i ghi gbe ẹe ẹdẹ, ọmwa ne ọ vbe ya mwẹ yi, ohanmwẹ amẹ i ghi gbe ẹe ẹdẹ.

Ebe ne Pọl gbẹẹn gie emwa Rom 15:4

Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

Kọlose 2:3

Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.

Kọlose 3:16

Wa gie ikporhu Kristi ke ẹe kevbe uvuọnmwẹ ọnrẹn gha rre ekhọe uwa. Wa gha ye ẹwaẹn ma egbe emwi, ne uwa vbe gha ya ẹe bu egbe ude. Wa gha ye Psalm so ihuan, wa gha so ihuan kevbe ihuan ni huanrẹn, wa gha ye ekhọe oghọghọ so ihuan ghe Osanobua uwa.

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Arhie Maan 3:18

Rhunmwuda ọnii, I gu uẹ zẹ iro nian ne u do gun mwẹ dẹ igoru, igoru ne a ma gua, ne u miẹn ehe na fe. Vbe dẹ ogbọnmwọkpa ya gha mu egbe, ne u rhuan ẹn gue irhunmwirhun efaa ne u ye. U ghi vbe dẹ ukhunmwu eso gha ya ye aro, ne u miẹn ehe na gha dẹghe.