Matiu 13:37 - Edo Bible (E Baibol Ẹdo) Version 1996

³⁷ Jesu keghi wanniẹn wẹẹ, “Ovbi Ọmwa ọrọre ọmwa ne ọ kọ emwiokọ esi.

Matiu 13:37 ပူးပေါင်းရင်းမြစ်များ

Aizaia 28:28

Ẹ i vbe rhia ọka a vbekpa ne ọ gha na gha wiẹn ẹnrẹn khian rhinrin vbe ne ẹ i na dobọyi. Ọ rẹn vbene ọ ya wiẹn rẹn, vbene ọ gha na si ikẹkẹ otọ lae vbene ẹ i na guọghọ ọka ne ọ rrọọ.

Matiu 10:40

“Ọmwaikọmwa ne ọ miẹn uwa yi, miẹn mwẹ yi, ọmwaikọmwa ne ọ miẹn mwẹ yi, miẹn ọmwa ne ọ gie mwẹ yi.

Matiu 13:24

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe ọkpia ọkpa ne ọ kọ emwiokọ esi ye ugbo ẹre.

Matiu 13:27

Avbe eguọmwadia okpia ni keghi do nọ rẹn wẹẹ, ‘Ẹ i re emwiokọ ne ọ maa wẹ kọ ye ugbo ruẹ, de ehe ne avbe irunmwu ke rre do la rọ?’

Matiu 13:4

Ẹghẹ ne ọ na gha kọe khian, eso keghi dele ye adesẹ odẹ, avbe ahianmwẹ keghi rhọ ẹre re.

Matiu 13:41

Ovbi Ọmwa gha gie avbe odibo ẹre ladian, iran ghi ya silo emwa ni si emwa fi orukhọ, kevbe avbe emwa dan hia ke uwu Arriọba ẹre ladian.

Matiu 8:20

Jesu wanniẹn tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ okọ, sokpan Ovbi Ọmwa i mwẹ ehe ne ọ mu uhunmwu yan hẹwẹ.”

Iyẹn ne ọ Maan Ọghe Luk 10:16

Ọ keghi tama avbe erhuanegbe ẹre wẹẹ, “Ọmwa ne ọ họn ọghe uwa, họn ọghomwẹ. Ọmwa ne ọ ma miẹn uwa yi, mẹ ọre ọ ma miẹn yi, ọmwa ne ọ ma miẹn uwa yi, ọ ma miẹn ọmwa ne ọ gie mwẹ yi.”

Iyẹn ne ọ Maan Ọghe Jọn 13:20

Ẹmwata ọre I tama uwa. Ọmwa ne ọ rhirhi rhan obọ miẹn ọmwa ne imẹ gie, ọ vbe rhan obọ miẹn mwẹ. Ọmwa ne ọ rhirhi rhan obọ miẹn mwẹ vbe rhan obọ miẹn ọmwa ne ọ gie mwẹ.”

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iwinna 1:8

Sokpan Orhiọn Ne Ọ Huanrẹn gha ghi hin yan uwa nẹ, ẹtin nọkhua ghi gha gue uwa, wa ghi ya sẹ osẹe mẹ vbe Jerusalẹm kevbe Judia hia, kevbe Sameria, kevbe rhinrin ya sẹ ehe ne agbọn sẹe.”

Ebe ne Pọl gbẹẹn gie emwa Rom 15:18

I gha si agbada vbe unu guan kan ẹmwẹ emwi ọkpa kẹkan, ọnii ọrọre emwi ne Kristi ru, ne ọ na ya mwẹ viọ iran ne ẹ i re Ju do gha họn ẹmwẹ ne Osanobua, la ekpa ẹmwẹ ne a guan kevbe emwi na ru.

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.