Matiu 13:30 - Edo Bible (E Baibol Ẹdo) Version 1996

³⁰ Wa gie ọka kevbe ohunhun gba gha wan khian ọ te ya sẹ ẹghẹ emwiorhọ. Mẹ gha tama iran ni rhọ emwiorhọ wẹẹ, wa ka vbọlọ avbe ohunhun ni rrọọ nẹ, ne a gbalọ iran ikun ikun viọ ku erhẹn, iyeke ọnii, wa ke ya si ọka ni rrọọ koko ya aza mwẹ.’ ”

Matiu 13:30 ပူးပေါင်းရင်းမြစ်များ

II Samuẹl 23:7

u ma ghi rhie ematọn, u ghi rhie asoro, te a khian giẹn ehia fẹẹrẹ.

Job 39:12

Te u khẹ ọre ne ọ do viọ emwi orhọ ruẹ gha die owa ra, ra ne ọ do viọ ọka ruẹ hin ehe ne u na wiẹn ọka rre?

Aizaia 17:5

Izrẹl ghi do ye vbe ugbo ne a na fian ọka rhọ emwiokọ ni rrọ nẹ. Ọ ghi dihoi rua zẹ vbe ugbo ni rre iya e Refeim vbe a ghi wa gbẹn ọẹn mu otọ nẹ.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Matiu 13:25

Ẹdẹ ikẹtin ghi rre, vbe emwa hia ghi vbiẹ, oghian rẹn keghi rre do kọ irunmwu yọ, ọ kegha rrie.

Matiu 13:29

Rẹn tama iran wẹẹ, ‘Ẹn o, na ghẹ miẹn wẹ, ẹghẹ vbe uwa a gha vbọlọ irunmwu, wa ghi vbe vbọlọ emwiokọ ba ẹre.

Matiu 25:32

A ghi do si emwa ni rre agbọn na hia si koko ye odaro ẹre. Rẹn ghi do wannọ iran ye oka eva zẹ vbene Ọsuohuan hannọ ohuan hin uwu ẹbu ẹwe rre.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Iyẹn ne ọ Maan Ọghe Luk 3:17

Ọ rhie ahẹn ne ọ ra ya khan emwiokọ ẹre mwẹ obọ, ọ gha viọ ọka ni rrọọ la aza, ọ ghi ye erhẹn ne ẹ i dọyọ giẹ ihunhun ni rrọọ.”

Iyẹn ne ọ Maan Ọghe Jọn 15:6

Ọmwa ne ọ ma di uwu imẹ ya, a gha mu ẹn fi fua zẹ vbe abọ, ọ ghi vbe kaka, a gha si egbe abọ vberriọ koko, a ghi hẹ ku erhẹn, a ghi giẹn ọnrẹn uan.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

I Timoti 5:24

Orukhọ emwa eso i lọghọ urẹnmwẹ, orukhọ iran ghi vbe fian ke aro ne iran, gha rrie owa ibuohiẹn, sokpan, okiekie ọre a ya miẹn orukhọ emwa ọvbehe eso.

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.