Matiu 13:27 - Edo Bible (E Baibol Ẹdo) Version 1996

²⁷ Avbe eguọmwadia okpia ni keghi do nọ rẹn wẹẹ, ‘Ẹ i re emwiokọ ne ọ maa wẹ kọ ye ugbo ruẹ, de ehe ne avbe irunmwu ke rre do la rọ?’

Matiu 13:27 ပူးပေါင်းရင်းမြစ်များ

Matiu 13:25

Ẹdẹ ikẹtin ghi rre, vbe emwa hia ghi vbiẹ, oghian rẹn keghi rre do kọ irunmwu yọ, ọ kegha rrie.

Matiu 13:26

Ugbẹn vbe emwiokọ ghi wan nẹ, vbe ọ ghi suẹn gha gbe ihiagha, irunmwu ni rrọọ keghi rhiegbe ma.

Matiu 13:28

Rẹn wanniẹn tama iran wẹẹ, ‘Eghian ọre ọ ru emwi na.’ Iran vbe nọ Rẹn wẹẹ, ‘Ma ghi ya vbọlọ avbe irunmwu ni kua?’

Matiu 20:1

“A ye Arriọba ẹrinmwi gie okpia ọkpa ne ọ mwẹ ugbo emwiokọ ne ovbe kpaegbe vbe owiẹ vbirrivbirri ya viọ emwa iwinna ye ugbo ẹre.

Ebe ne Pọl gbẹẹn gie emwa Rom 16:17

Gun mwẹ tama uwa etẹn mwẹ, wa gha baba iran ni si iwannegbe rre ne iran na vbe mu iyayi emwa eso rhia ye iran obọ, iran ni ghe odan ye iruẹmwi ne uwa ka rhan obọ miẹn nẹ, wa gha lẹ ne iran.

I Kọrinti 16:10

Deghẹ Timoti do van odọghe uwa, vbene ọ rhirhi gha ye hẹ, wa ghẹ mwẹ wa ma mu ẹre aro ze vbe ehe ne uwa ye, rhunmwuda vbene imẹ winna ne Nọyaẹnmwa ọre irẹn vbe winna.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

II Kọrinti 6:4

Sokpan vbe uwu emwi ne ima ru hia, ma ghi gha hia ne ima gha rhie maa wẹ, eguọmwadia Osanobua ma khin, vbe ekpa ne a na ye ẹgbodin ziengbe vbe uwu ọlọghọmwa, ukpokpo, kevbe orueghe.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?