Matiu 13:25 - Edo Bible (E Baibol Ẹdo) Version 1996

²⁵ Ẹdẹ ikẹtin ghi rre, vbe emwa hia ghi vbiẹ, oghian rẹn keghi rre do kọ irunmwu yọ, ọ kegha rrie.

Matiu 13:25 ပူးပေါင်းရင်းမြစ်များ

I Ọba 3:20

Ọ na kpaegbe vbe asọn, ọ keghi mu ovbi mwẹ hin ehe ne i ye rre vbe i vbiẹ, ọ na mu gha rrie ukpo ẹre, ọ keghi mu ọmọ ne ọ wu nii, yọ mwẹ ukpo.

Matiu 13:24

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe ọkpia ọkpa ne ọ kọ emwiokọ esi ye ugbo ẹre.

Matiu 13:26

Ugbẹn vbe emwiokọ ghi wan nẹ, vbe ọ ghi suẹn gha gbe ihiagha, irunmwu ni rrọọ keghi rhiegbe ma.

Matiu 13:27

Avbe eguọmwadia okpia ni keghi do nọ rẹn wẹẹ, ‘Ẹ i re emwiokọ ne ọ maa wẹ kọ ye ugbo ruẹ, de ehe ne avbe irunmwu ke rre do la rọ?’

Matiu 13:29

Rẹn tama iran wẹẹ, ‘Ẹn o, na ghẹ miẹn wẹ, ẹghẹ vbe uwa a gha vbọlọ irunmwu, wa ghi vbe vbọlọ emwiokọ ba ẹre.

Matiu 13:30

Wa gie ọka kevbe ohunhun gba gha wan khian ọ te ya sẹ ẹghẹ emwiorhọ. Mẹ gha tama iran ni rhọ emwiorhọ wẹẹ, wa ka vbọlọ avbe ohunhun ni rrọọ nẹ, ne a gbalọ iran ikun ikun viọ ku erhẹn, iyeke ọnii, wa ke ya si ọka ni rrọọ koko ya aza mwẹ.’ ”

Matiu 13:39

Esu tobọ ẹre ọrọre ọmwa ne ọ do tu ohunhun ye ugbo. Ẹghẹ emwiorhọ ọrọre ufomwẹ agbọn. Avbe odibosa ọrọre iran ni rhọ emwiorhọ.

Matiu 25:5

Rhunmwuda ighe ọdafẹn ọha ma rherhe rre, evbokhunvbi na ghi zẹ ye uhunmwu gbe, ovbe na rhie iran.

Galatia 2:4

A gha rhe miẹn wẹ, emwa eso ni tie egbe iran etẹn mwa ni deba ima, te gha ho ne iran rhuẹ ọre. Iran na keghi rẹnrẹn la uwu ẹbu zẹ vbe ọ rhẹ, ne iran do ghe vbene ima ghi re emwa ni fanmwẹ egbe ua hẹ, rhunmwuda ighẹ ma ye egbe ba Jesu Kristi. Iran te ho ne iran ye ima khian eviẹn.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

I Pita 5:8

Khẹ yegbe, gha ba odẹ! Rhunmwuda Esu ne oghian ruẹn gha vin yo vin rre, ọ gha davan vbe oduma, ọ gualọ ọmwa ne ọ gha gbe re.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 2:20

Sokpan ẹzọ ruẹ ne I gui ọre ọna khin wẹ, u keghi rhie otọ ne khuo ni ighẹ Jezibẹl, ọmwa ne ọ tie egbe ẹre ukọ Osanobua. Rẹn gha ma avbe emwa ẹre, ọ ghi vbe gha silo iran fi uwu alama oghẹ kevbe ne iran gha rri evbare ne a ya ru ẹbọ.