Matiu 13:23 - Edo Bible (E Baibol Ẹdo) Version 1996

²³ Emwiokọ ni rre otọ ne ọ maa ọrọre iran ni họn ẹn, ọ keghi vbe la iran ekhọe, iran kevbe mọ ọmọ eso iyisẹn, eso iyeha, eso ọgban.”

Matiu 13:23 ပူးပေါင်းရင်းမြစ်များ

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Ezikiẹl 36:26

I gha rhie ẹko kevbe ekhọe ọgbọn ne uwa I gha miẹn uwa ekhọe okuta uwa ne ọ zevbudu nii, I ghi rhie ekhọe ne ọ họn ẹmwẹ ne uwa.

Matiu 12:33

“Erhan esi ọre ọ mọ ọmọ esi. Erhan dan ọre ọ vbe mọ ọmọ dan, rhunmwuda ọmọ erhan ọre a ya rẹn erhan.

Matiu 13:8

Sokpan eso dele ye otọ ne ọ maa, iran keghi mọ, eso iyisẹn eso iyeha, eso ọgban.”

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 3:8

Wa gie uyinmwẹ uwa rhie ma ighe wa gele zobọ vbe orukhọ ne a ru.

Iyẹn ne ọ Maan Ọghe Mak 10:15

Ne I tama uwa, ọmwa ne ọ ma rhan obọ miẹn Arriọba Osanobua zẹ vbe ọvbokhan, ẹ i sẹtin la uwu ẹre.”

Iyẹn ne ọ Maan Ọghe Mak 4:20

Sokpan emwa ọvbehe eso yevbe emwi ne a kọ ye otọ ne ọ maa. Iran họn ẹmwẹ nii, iran rhan obọ miẹn ẹnrẹn, iran keghi mọ, eso ọgban, eso iyeha, eso iyisẹn.”

Iyẹn ne ọ Maan Ọghe Luk 13:9

A deghẹ ọ ghi mọ ukpo ne ọ dee, ọ wa maa, sokpan deghẹ ọ ma ghi mọ, u sẹtin tọn ẹn fua.’ ”

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Iyẹn ne ọ Maan Ọghe Luk 8:8

Emwiokọ eso keghi dele ye otọ ne ọ maa, iran keghi wan, iran mọ ọmọ ọkpọkpa vbọ iyisẹn iyisẹn.” Jesu keghi rhie tẹe wẹẹ, “Ne ehọ re họn ẹmwẹ gie ẹre họn.”

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iyẹn ne ọ Maan Ọghe Jọn 8:47

Ọmwa ne ọ ke ehe ne Osanobua ye rre vbe danmwehọ ẹmwẹ Osa, sokpan ẹ i re ehe ne Osanobua ye wa ke rre. Ọnii ọ si ẹe ne uwa i ra na danmwehọ.”

Iwinna 16:14

Ọkpa vbe uwu iran ni họn ẹmwẹ ima keghi re Lidia ne ovbi Tiatira, ukpọn ododo ọre ọ khiẹn. Rẹn keghi re okhuo ne ọ ga Osanobua, Nọyaẹnmwa keghi rhie ẹre ekhọe yọ ne ọ danmwehọ ẹmwẹ ne Pọl ta.

Iwinna 17:11

Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin.

II Kọrinti 9:10

Osanobua ne ọ viọ emwiokọ ne uwa ho hia ne uwa, ọ ghi vbe gi ẹe zọ, ne ọ vbe mọ emwiorhọ ọkpọkua ne obọ ne ọ ru ẹse ọghe uwa.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Filipai 4:17

Ẹ i re wẹ emwi ọhẹ ọre ọ gha khọn mwẹ ne a miẹn, sokpan, I kegha ho ne a rhie ere ne a re ba igho ne aroro ye otọ ne uwa.

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

Kọlose 1:6

Nene iyẹn ne ọ maa rhie afiangbe rre, ọ vbe vẹ gba uhunmwu otọ agbọn hia, zẹ vbene ọ ru vbe uwu uwa ke ẹdẹ ne uwa na họn ẹmwẹ ẹsọhẹ Osanobua gha dee, ne uwa na do rẹn ọnrẹn vbene ọ gele wa ye.

I Tẹsalonaika 4:1

Vbe okiekie ehia, etẹn mwẹ, wa ruẹ re vbe obọ ima vbene uwa gha ru emwi hẹ, ne uwa gha na yẹ Osanobua. A rẹnrẹn wẹ, erriọ wa wa yin ke ẹghẹ ni gha dee. Wanwanna nian, ma ye eni Nọyaẹnmwa Jesu rinmwian uwa, ma vbe tua ẹre mu unu ma uwa, ne uwa ru gberra vbene uwa ka ru de yi.

II Tẹsalonaika 2:10

Ọ ghi vbe lo erẹrẹ dan ughughan vbe egbe iran ni ra fuẹn uan, iran gha fuẹn uan rhunmwuda, iran ma rhan obọ miẹn, ra ne iran vbe ho ẹmwẹ ẹmwata, ne iran miẹn ehe na fe.

Hibru 4:2

Rhunmwuda, ma họn nene Iyẹn Ne ọ maa nẹ zẹ vbene iran vbe họn ẹn. Iran họn nene iyẹn ne ọ maa, sokpan ọ ma mwẹ emwi esi ọkpa ne ọ ru ne iran, rhunmwuda, ẹghẹ ne iran na họn ẹn iran ma ya iyayi miẹn rẹn.

Hibru 6:7

Te Osanobua fiangbe otọ ne ọ ya amẹ wọn vbe amẹ a rhọ yọ nẹ, ne ọ vbe zọ erhan ne a ya ru emwi kpataki ladian ne iran ni gbe ẹre ugbo.

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.