Matiu 13:19 - Edo Bible (E Baibol Ẹdo) Version 1996

¹⁹ Iran ni kharha ye adesẹ odẹ ọrọre iran ni họn ẹmwẹ Arriọba, sokpan ọ ma la iran ekhọe. Esu keghi do sanmwẹ emwi ne a te kọ yọ rhie.

Matiu 13:19 ပူးပေါင်းရင်းမြစ်များ

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Ezikiẹl 31:18

“Ọba Igipt ọrọre erhan ne a kha na, ke ẹe kevbe emwa rẹn hia. Avbe erhan ni rre Idẹni ma te tan vba iran ra ne iran sughe vba iran. Sokpan, banbanna nian, zẹ vbe avbe erhan ne ọ rre Idẹni, ọ gha tuorre gha rrie ẹvbo emwa ni wulo nẹ, ne ọ vbe ya deba avbe emwa dan, kevbe avbe emwa ne a gbele vbe okuo. I tae nẹ.” Erriọ e Nọyaẹnmwa ne Udazi khare.

Matiu 12:26

Erriọ vbe nọ, a deghẹ otu ọkpa gu otu nọkpa khọn vbe arriọba Esu, ọ ni rhie ma ighe iwannegbe la rọ nẹ, te ọ ghi ra zagha.

Matiu 13:20

Ni dele ye otọ okuta ọrọre iran ni wa ye oghogho rhan obọ miẹn ẹmwẹ ni vbe iran wa họn ẹn.

Matiu 13:38

Ugbo ne ọ kọ ẹe yi ọrọre agbọn na, emwiokọ ni maa ọrọre emwa ni re ọghe nene Arriọba, ohunhun ọrọre iran ni re ọghe Esu.

Matiu 4:23

Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Matiu 5:37

Deghẹ ‘Ẹn ẹn’ nọ wẹ ‘Ẹn ẹn’ Deghẹ ‘Ẹn o’ nọ wẹ ‘Ẹn o’ ẹmwẹ ne ọ ghi gberra vberriọ, esu mwẹ obọ vbọ, obọ ọmwa dan ni ọre ọ ke rre.

Iyẹn ne ọ Maan Ọghe Mak 4:15

Ugbẹnso, eso ghi kharha ku adesẹ odẹ. Iran na họn ne ne ẹmwẹ sokpan, vbe ọwarọkpa ni Setan ghi do rhie ẹmwẹ ni hin iran ekhọe rre.

Iyẹn ne ọ Maan Ọghe Luk 10:9

Wa sinmwi avbe ọkhọnmwẹ ni rre ẹvbo nii, wa ghi vbe khama emwa ni rrọọ wẹẹ, ‘Arriọba Osanobua sikẹ uwa nẹ.’

Iyẹn ne ọ Maan Ọghe Luk 9:2

Iyeke ọnii, ọ keghi gie iran ladian ne iran ya kpe orhu Arriọba Osanobua kevbe ne iran gha sinmwi avbe ọkhọnmwẹ.

Iyẹn ne ọ Maan Ọghe Jọn 18:38

Pailet nọ rẹn wee, “Vbe ọre ẹmwata yi?” Pailet keghi dọlegbe ladian ya vba avbe Ju, ọ tama iran wẹẹ, “I ma miẹn emwi ne I gha gu bu abe gbe ẹe.

Iyẹn ne ọ Maan Ọghe Jọn 8:43

Vbọzẹ ne uwa ma na rẹn otọ ẹmwẹ ne I ta? Emwi ne ọ si ẹe ọrọre wẹ egbe uwa i rrọ ẹre.

Iwinna 17:32

Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na.

Iwinna 18:15

Sokpan vbe ne a na miẹn nian wẹ ẹmwẹ ne a muan vbe ekpa eni eso ra ẹmwẹ eso kevbe uhi uwa ọre nọ, wa ya tobọ uwa bu ẹre, ẹ i re imẹ ọre ọ gha bu ohiẹn emwi vberriọ.”

Iwinna 20:25

“I khian la ehe hia vbe uwu uwa vbe ne I na kpe orhu Arriọba Osanobua. Banbanna nian, mẹ rẹnrẹn ighẹ ne ọ gha ye dọlegbe miẹn mwẹ i ghi rre uwa na.

Iwinna 28:23

Rhunmwuda ọnii, iran keghi bu ẹdẹ ne Pọl. Emwa ni bun sẹ ọnii ẹsẹse keghi rrie ehe ne Pọl dia ẹdẹ nẹdẹrriọ ke owiẹ ya sẹ asọn, ọ keghi rhan otọ ẹre ma iran, ọ kegha ta ẹmwẹ Arriọba Osanobua ma iran. Ọ keghi te gha ho ne ọ fi iran ekhọe werriẹ ghe ẹmwẹ Jesu vbekpa ne ọ na gha tie ebe Uhi Mosis kevbe emwi ne avbe akhasẹ gbẹnnẹ ye otọ ma iran.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 2:8

Emwa ọvbehe vberriọ ni rẹn ọghe enegbe iran ọkpa, iran ma ye obọ ye ẹmwẹ emwi ne ọre ẹmwata, ne iran miẹn ehe na gha lele emwi ne ẹ i re ẹmwata. Osanobua gha hihiẹ okuosu kevbe ohu ẹre yan iran.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

II Tẹsalonaika 2:12

Emwi ne ọ ghi ke ẹre ikian ọrọre wẹ, iran hia ni ma ya ẹmwata yi sokpan iran kegha mwẹ ẹko ne ọ rhiẹnrhiẹn ye orukhọ, a gha bu abe gbe iran.

Hibru 2:1

Ọnii ọ si ẹe ne ima gha na kakabọ ye obọ da ẹe yi sẹ ayọ, ighẹ ẹmwata ne ima họn nẹ ne a ghẹ ya ya ima de odẹ.

I Jọn 3:12

Ọ ma kei ne ima gha ye vbe Ken. Ọghe Ọmwa Dan ni rẹn khin, ọ keghi gbe ọtiọnrẹn ne okpia ua. Vbọzẹ ne Ken na gbe ẹe rua yi? Rhunmwuda ighẹ emwi ne irẹn ru ma gba, sokpan emwi ne ọtiọnrẹn ru keghi re ne ọ gbae.

I Jọn 5:18

Ma rẹnrẹn wẹ ovbi Osanobua ne ọ gha wa gha ru orukhọ khian, ẹ i rrọọ, rhunmwuda, Ovbi Osanobua ọre ọ rhie ẹre mwẹ vbe ne a i na mwẹ ẹbe. Ọmwa Dan ni, i sẹtin kuan rẹn.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.