Matiu 13:15 - Edo Bible (E Baibol Ẹdo) Version 1996

¹⁵ Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Matiu 13:15 ပူးပေါင်းရင်းမြစ်များ

Psalm 119:70

Avbe emwa na i mwẹ irẹnmwi, sokpan, ọyẹnmwẹ uhi ruẹ sẹ mwẹ.

Itan 16:30

Gha mwẹ ẹwaẹn vbe egbe emwa ni guẹ yan akọn ni vbe bun ruẹn aro, iro dan ọ re iran zẹe.

Aizaia 44:20

Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.

Aizaia 57:18

“I miẹn vbene iran ru hẹ nẹ, sokpan, I gha mu iran egbe rran, I gha su iran gha khian I ghi ru iyobọ ne iran, I gha vbe fu iran ni khiẹ ẹko rre.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Jerimaia 17:14

Nọyaẹnmwa, mu mwẹ egbe rran, egbe gha wa rran mwẹ giẹnrẹn; yuo mwẹ ladian, I gha vbe fe vbe obọ ẹbe fẹẹrẹ, wẹ ọrọre ọmwa ne imẹ rho vbe uyi!

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Zẹkaraia 7:11

“Sokpan, emwa mwẹ keghi ze vbe udu, iran ma zẹ yọ. Iran keghi rri ekhọe iran gbua,

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Iyẹn ne ọ Maan Ọghe Mak 4:12

Na miẹn ehe na miẹn wẹẹ: “ ‘Vbe ne iran gha ghe sẹ, iran i bẹghe! Vbene iran gha danmwehọ sẹ, iran i rẹn otọ ẹre, ne iran ghẹ ya fi ekhọe werriẹ bu Osanobua, rẹn ghi vbe do ya bọ iran.’ ”

Iyẹn ne ọ Maan Ọghe Luk 19:42

“Vbe ọ rrọọ nian wẹ te u rẹn emwi ne u gha ru yọ ẹrẹna, ne u miẹn ehe na gha rrọọ vbe ọfumwegbe. Sokpan ọ ma guẹ rẹn.

Iwinna 28:27

Rhunmwuda ekhọe iran i rẹn emwi, iran vbe kan igban khiọ ehọ, iran na mimi aro gbua, ne aro iran ghẹ ya dẹ ghe, ne ehọ iran ghẹ ya họn, ne Ọ ghẹ ya la iran ekhọe, iran ghi do fiwerriẹ bu mwẹ gha dee mẹ ghi do mu iran egbe rran. Erriọ Osanobua khare.’ ”

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Iwinna 7:57

Iran keghi viọ obọ khiọ ehọ, iran datu, ehia keghi wa vẹ rhu ẹe vbe ọwarọkpa ni.

II Timoti 4:4

Iran gha fi iyeke gbe ẹmwata ne a danmwehọ ẹre, iran ghi gha danmwehọ umaranmwẹ.

Hibru 5:11

Emwi wa rrọọ ne a gha guan yan ẹmwẹ na ẹsẹse, sokpan ọ wa lọghọ ne a rhan otọ ẹre ma uwa, rhunmwuda, wa i rherhe rẹn otọ emwi.

Arhie Maan 22:2

Ọ keghi lẹ la adesẹneva ukpo ọghe ẹvbo ni. Vbe obọ eva ọghe ẹzẹ nii, erhan ẹfe keghi rrọọ, igba iweva ọre ọ mọ vbe ukpo, uhukpukpa vbe uki, ebe ẹre keghi re ne a ya mu agbọn ẹvbo egbe rran.