Matiu 13:11 - Edo Bible (E Baibol Ẹdo) Version 1996

¹¹ Jesu wanniẹn tama iran wẹẹ, “Wa na ọre a ta ẹmwẹ oro Arriọba Osanobua ma ighẹ ẹ i re iran ni.

Matiu 13:11 ပူးပေါင်းရင်းမြစ်များ

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 29:11

A i ra gie uẹ rẹn emwi ne a ya umian avbe akhasẹ kha; te ọ ra yevbe ebe ohian ne a vbuẹ re a keghi gbae gbua. U gha tọn ẹẹn mu, u na bu ọmwa ne ọ guara tie wẹ ne ọ tie ẹre nuẹn, ọ ghi tama ruẹn wẹ rẹn i ra sẹtin, rhunmwuda te a gbae gbua.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Matiu 13:10

Avbe erhuanegbe keghi bu Jesu rre, iran nọ rẹn wẹẹ, “Vbọzẹ ne u na ye itan gu iran guan yi?”

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 19:11

Jesu wanniẹn tama iran wẹẹ, “Iruẹmwi na i re ọ ghe umiẹnmwumiẹn vbe ẹ i re iran ne Osanobua rhie ẹre na.

Matiu 20:23

Jesu wanniẹn tama iran wẹẹ, “Ẹmwata nọ ighe wa gha wọn vbe uwu ukpu mwẹ. Sokpan, mẹ i mwẹ asẹ ne a ya zẹ ọmwa ne ogha tota ye obọ erha ọmwa kevbe obọ iye ọmwa mwẹ. Avbe emwa ne Erha mwẹ rhie ẹre ye otọ khẹ ọre ọ yan rẹn.”

Iyẹn ne ọ Maan Ọghe Mak 10:40

Sokpan mẹ i mwẹ asẹ ne a ya zẹ ọmwa ne ọ gha tota yọmwẹ obọ erha ọmwa kevbe obọ iye ọmwa. Osanobua ọre ọ rhie ukpo na ne emwa ne ọ mwamwa ẹn khẹ.”

Iyẹn ne ọ Maan Ọghe Mak 4:11

Jesu wanniẹn tama iran wẹẹ, “Wa na ọre a ta oro ẹmwẹ Arriọba Osanobua ma sokpan, iran hia ni rre ore, itan ọre a ya gu iran guan.

Iyẹn ne ọ Maan Ọghe Luk 8:10

Jesu keghi wanniẹn wẹẹ, “A rhie ne uwa nẹ ne uwa rẹn oro ne ọ rre ẹmwẹ Arriọba Osanobua, sokpan itan ọre a ya tae ma emwa ọvbehe ne a miẹn wẹ iran gha tọn aro yọọ, sokpan iran i dẹghe, iran gha danmwehọ sokpan iran i rẹn evba yae kha.

Iyẹn ne ọ Maan Ọghe Jọn 6:65

Rẹn keghi rhie te ẹe wẹẹ, “Ọnọna ọre ọ zẹẹ ne I na tama uwa wẹ orhiọnkpa ne ọ gha sẹtin bu mwẹ gha dee ẹ i rrọọ, sokpan a ma wẹ Evbavba ọre ọ mu ye ọre obọ.”

Iyẹn ne ọ Maan Ọghe Jọn 7:17

Ọmwaikọmwa ne ọ ho ne irẹn ru vbene Osanobua ho gha rẹn deghẹ emwi ne I ma emwa ẹre obọ Osanobua ọre ọ ke rre ra ẹmwẹ obọ mwẹ ọre I zẹ ta.

Iwinna 16:14

Ọkpa vbe uwu iran ni họn ẹmwẹ ima keghi re Lidia ne ovbi Tiatira, ukpọn ododo ọre ọ khiẹn. Rẹn keghi re okhuo ne ọ ga Osanobua, Nọyaẹnmwa keghi rhie ẹre ekhọe yọ ne ọ danmwehọ ẹmwẹ ne Pọl ta.

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 16:25

Gie ima rhie uyi ne Osanobua! Rẹn gha sẹtin ya uwa mudia gbain vbe iyayi uwa, zẹ vbe Iyẹn Ne ọ maa ne I kpe orhu ẹre ighẹ ẹmwẹ Jesu Kristi, kevbe zẹ vbe ẹmwata ne a rhie lẹre ne ẹkpo i mwẹ arria gha dee, ne a miẹn nian wẹ ọ vẹe ne a rẹn.

I Kọrinti 13:2

Ọ gha khọn rẹn ne a ya we mwẹ wẹ I gha gu emwa guan, ọ ghi hin ehia uhunmwu, ọ gha khọn rẹn ne I rẹn emwi hia kevbe ne I rẹn otọ oro hia, ọ gha khọn rẹn ne I gha mwẹ iyayi hia ne ọ gha sẹ ọmwa ya vu oke mu fua, a deghẹ mẹ i mwẹ aho ẹmwẹ ọmwa, kẹkan ọre I khin.

I Kọrinti 15:51

Wa danmwehọ oro ọkpa: ma hia i ra wulo fo, sokpan, vbe udomwurri, a gha fi ima werriẹ.

I Kọrinti 2:14

Sokpan ọmwa ne ẹ i mwẹ nene Orhiọn Ne Ọ Huanrẹn, ẹ i sẹtin rhan obọ miẹn ọhẹ ne ọ ke obọ Osanobua rre. Ẹmwata ẹ i rẹn emwi ne a ya ẹe kha, ẹmwẹ oya ehia khin vbe ehọ ẹre rhunmwuda orhiọn ne ọ huanrẹn ọre a ya sẹtin rẹn vbene uyi ẹre sẹ hẹ.

I Kọrinti 2:7

Ẹmwẹ ẹwaẹn ne I guan keghi re ẹmwẹ oro ẹwaẹn Osanobua, ne a rhie lẹre ne emwa ne agbọn, ne Osanobua mwamwaẹn, ne ọ ya mu uyi ye ima egbe, uhin vbe a te do yi agbọn na.

I Kọrinti 4:1

Wa ghi gha ghe ima zẹ vbe eguọmwadia Kristi ne a viọ ẹmwata ne ọ rre oro Osanobua nẹẹn hẹmwẹ.

I Kọrinti 4:7

Gha ọ tama ruẹn yi ighẹ u maa sẹ emwa ọvbehe? Ẹre Osanobua ọre ọ viọ emwi ne u mwẹ hia nuẹn? A deghẹ erriọ nọ, de ne a ghi ghagha baa vbọ, vbene a miẹn wẹẹ ẹ i re te a ya ẹe ru ọmwa ẹse.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 1:9

Osanobua keghi wa ru zẹ vbe ne ọ ye ekhọe mwamwa ẹn, ọ keghi gie ima rẹn emwamwa ne irẹn mwamwa ẹn vbe ẹkhokho, ne ọ wẹ rẹn gha la ekpa Kristi ya khian ne a ru gba.

Ẹfisọs 5:32

Ẹmwata nọkhua ọre a rhie maa vbe ebe na, mẹ vbe rẹn wẹ Kristi kevbe esọsi ọre a ta ẹe gie.

Ẹfisọs 6:19

Vbe gha na erhunmwu ne imẹ, ne Osanobua gha rhie ẹmwẹ yọmwẹ unu, ya gie mwẹ uhunmwu, vbe i a khian guan, ne I miẹn ehe na gha guan vbe ne a i na mu ohan, ne i vbe rhie oro ne ọ rre iyẹn ne ọ maa ladian.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

I Timoti 3:9

Iran ghi ya ekhọe ne ọ ma bu ohiẹn gbe egbe ẹre da ẹmwata ne a rhie ke uwu iyayi ladian yi.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.