Matiu 12:41 - Edo Bible (E Baibol Ẹdo) Version 1996

⁴¹ Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ rhunmwuda iran fiwerriẹ vbe iran họn ikporhu e Jona. Ne I tama uwa, emwi ne ọ sẹ Jona rre emwa na.

Matiu 12:41 ပူးပေါင်းရင်းမြစ်များ

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Jerimaia 3:11

Ẹre Nọyaẹnmwa na tama mwẹ wẹ, a gha rhe miẹn ighe Izrẹl fi iyeke gbe irẹn, rẹn ye vbe rhie ma wẹ rẹn maa sẹẹ e Juda ne ọ ma guobọ ọdọ.

Jona 1:2

Ọ wẹẹ, “Gha rrie Ninevi, okpẹvbo nọkhua nii, ne u ya ta ku ọre, I rẹn vbene emwa rẹn mwẹ ekhọe dan hẹ.”

Jona 3:4

E Jona keghi gha la ẹvbo ni khian, Ọ ghi khian okhian ẹdẹ hoho nẹ, ọ wẹẹ, “Vbe ọ te sẹ ikpẹdẹ iyeva, a gha fuẹn Ninevi ua!”

Matiu 12:39

Jesu wanniẹn wẹẹ, “Emwa dan ni ma rẹn Osanobua ọre orre na wa khin! Ẹ i re iwinna ọyunnuan wa nọ rẹn? Iwinna ọyunnuan ne a gha rhie ma uwa i ghi vbe rrọọ gberra ọghe Jona ne akhasẹ.

Matiu 12:42

Vbe Ẹdẹ Ibuohiẹn, ọba okhuo odẹ Ekẹn agbọn gha kpaegbe ba uwa ifi ẹzọ rhunmwuda rẹn ke otọe arriavbehe gha dee do danmwehọ ẹwaẹn Solomọn. Ne I tama uwa, emwi ne ọ sẹ Solomọn rre emwa na.

Matiu 12:45

Ẹghẹ ni, ọ ghi ya viọ orhiọn dan ihinrọn. ni rhia sẹ irẹn ba egbe gha dee do gbe ẹkun sotọ. Ẹdẹ agbọn ọmwa ni ghi do kulo sẹ vbene ọ te gha ye. Emwi vberriọ zẹẹ ọre ọra sunu vbe egbe orre dan na.”

Matiu 12:6

Ne I tama uwa nian wẹ emwi ne ọ kpọlọ sẹ Ọgua Osa rre emwa na.

Matiu 16:4

Jesu keghi kha wẹẹ, “Erriọ a vbe miẹn emwa dan kevbe ne ẹnina Osanobua izẹdẹ rre ọre ekhọe vbe ne orre na ye ra? Ẹ i re iwinna ọyunnuan wa gualọ vbe obọ mwẹ? Wa i ra miẹn ọvbehe nian gberra ọ ghe Jona ne akhasẹ.” Ọ keghi kpao sẹ iran rae, ọ na gha rrie.

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 23:36

Ne I tama uwa, orre na ọre ọ ra rrioya ye ẹmwẹ na hia!

Iyẹn ne ọ Maan Ọghe Luk 11:32

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ, rhunmwuda iran zobọ vbe orukhọ vbe iran họn ikporhu e Jona, ne I tama uwa ighẹ emwi ne ọ sẹ Jona rre emwa na.

Iyẹn ne ọ Maan Ọghe Jọn 3:31

Ọmwa ne ọ ke odukhunmwu rre kpọlọ sẹ ehia, ọmwa ne ọ ke agbọn rre, ọghe agbọn nọ, ẹmwẹ emwi agbọn na ọre ọ vbe guan. Ọmwa ne ọ ke ẹrinmwi rre kpọlọ sẹ ehia.

Iyẹn ne ọ Maan Ọghe Jọn 4:12

Jekọb ne erha mwa odede ọre ọ mu uhae na ne ima, rẹn kevbe ivbi ẹre kevbe emwi irri ẹre hia wọn vbọ. Te uwẹ ghi wẹ, u kpọlọ sẹ Jekọb ne erha mwa ra?”

Ebe ne Pọl gbẹẹn gie emwa Rom 2:27

Avbe iran ne ẹ i re Ju ọre ọ ra bu ohiẹn gbe avbe uwa ne Ju na. Rhunmwuda, u rra nene Uhi, egbe ne a rhe ya gbẹn ọẹn yu uẹ otọ, u keghi vbe rhuẹ, vberriọ iran i ru vbene nene Uhi kha re egbe ne a ma rhe ya rhuẹ iran vbe ọghe ikinnegbe.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.