Matiu 12:40 - Edo Bible (E Baibol Ẹdo) Version 1996

⁴⁰ Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Matiu 12:40 ပူးပေါင်းရင်းမြစ်များ

II Ọba 14:25

Ọ keghi dọlegbe khọn munọ avbe ẹvbo hia ni ka re ọghe Izrẹl de ẹdẹ kevbe Hamat Pas vbe odẹ okuọ ya sẹ Okun Nọwu vbe odẹ ekẹn, vbenian ọre Nọyaẹnmwa gie ọguọmwadia ẹre ne akhasẹ, rẹn ighẹ Jona ne ovbi Amatai ne ọ ke Gat rre ne ọ ta ẹe ye otọ.

Psalm 63:9

Iran ni ho ne iran gbe mwẹ uan gha tuorre fi agbọn iran ni wulo nẹ.

Jona 1:17

E Nọyaẹnmwa keghi gie ehẹn nọkhua, ọ na mi e Jona re, ọ keghi gha rre uwu ehẹn ni vbe avan eha kevbe asọn eha.

Matiu 12:8

Rhunmwuda Ovbi Ọmwa ọre ọ yan Ẹdẹ Ikẹtin.”

Matiu 16:21

Ke ẹghẹ ni kpao, ọre Jesu ke suẹn gha tua unu muẹn ma avbe erhuanegbe ẹre wẹẹ, “Ẹ i mwẹ I ma yo Jerusalẹm ne I ya rri oya emwi ni bun vbe obọ avbe eniwanrẹn, avbe igiohẹn kevbe avbe iran ni ma emwa Uhi. Iran gha gbe mwẹ uan, vbe ikpẹdẹ ne ogieha, a gha huẹn mwẹ kpaegbe.”

Matiu 17:23

Iran gha gbe ẹe rua, sokpan, vbe ikpẹdẹ ne ogieha, ọ gha rhiọrre.” Ẹmwẹ na keghi gbe iran ne erhuanegbe egbe.

Matiu 27:40

“Ẹ i re uwẹ ọre ọ wẹ, u gha guọghọ Ọgua Osa sẹ otọ, ne u vbe dọlọ ẹe bọ vbe ikpẹdẹ eha! A deghẹ Ovbi Osanobua u gele khin, fan egbe ruẹ fua nian. Tuorre vbe ugbugbe.”

Matiu 28:6

Ẹ i ghi rre emwa na, ọ rhiọkpaegbe nẹ zẹ vbene ọ khare. Wa larre, wa do ghe eke ne ọ te lovbiẹ yi.

Matiu 8:20

Jesu wanniẹn tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ okọ, sokpan Ovbi Ọmwa i mwẹ ehe ne ọ mu uhunmwu yan hẹwẹ.”

Iyẹn ne ọ Maan Ọghe Jọn 2:19

Jesu wanniẹn, “Wa dunmwu owa Osanobua na uan, I gha dọlọ ẹe bọọ vbe ikpẹdẹ eha.”