Matiu 12:34 - Edo Bible (E Baibol Ẹdo) Version 1996

³⁴ Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Matiu 12:34 ပူးပေါင်းရင်းမြစ်များ

Psalm 53:1

Avbe akpa ghi gha ye ekhọe ta ẹe wẹẹ Osanobua i rrọ; te iran hia wa kulo iran keghi vbe ru emwi ne ọ mu ohan okpa ne ọ ru emwi ne ọ gbae i rrọ.

Psalm 64:3

Iran lọ aranmwẹ iran zẹvbe umozo iran kegha ya ẹmwẹ ọkhọ kọn ọmwa zẹvbe ifẹnmwẹ.

Psalm 64:5

Iran ghi gha yi egbe ike vbe uma dan ne iran si, iran ghi gha si uma ehe ne iran gha rhuẹ ifi iran yi. Iran ghi gha kha wẹẹ, “Ọmwarhọkpa i miẹn iran.”

Itan 16:23

Te emwa ni wan ka roro ẹmwẹ nẹ iran ke ta ẹe, iran ghẹ ghi ta ẹe, ẹghẹ nii, ọ ghi gha la ọmwa ehọ.

Itan 4:23

Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Aizaia 32:6

Ẹmwẹ ukọnmwẹ ọ re akpa guan, ọ ghi vbe gha zẹ iro emwi dan ne irẹn gha ru, emwi ne ọ ru kevbe ẹmwẹ ne ọ ta, ne a ya yagha e Nọyaẹnmwa ọ re ehia khin. Ẹ i rhie evbare ne ọmwa ne ohanmwẹ gbe ra ne ọ sa amẹ ne ọmwa ne ovbamẹ gbe wọn.

Aizaia 59:14

A khu ohiẹn ẹmwata fua, emwi ne ọ kere i sẹtin sikẹ ọmwa. Ẹmwata rrua owẹ vbe ughe, uyinmwẹ ne ọ diae i vbe miẹn otọ tota yi vbe evba.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Aizaia 9:17

Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Matiu 12:35

Aza emwi esi ne ọ mwẹ, ọre ọmwa esi ke viọ emwi esi ladian. Aza emwi dan ne ọ mwẹ, ọre ọmwa dan ke viọ emwi dan ladian.

Matiu 15:18

Sokpan, emwi ne ọ ke uwu unu ladian, uwu ekhọe ọre ọ ke rre, ọ ghi ya ọmwa khian ne ọ ma huan.

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iyẹn ne ọ Maan Ọghe Luk 3:7

Emwa hia kegha vẹ bu Jọn yo ne ọ samẹ ne iran. Rẹn keghi tama iran wẹẹ, “Wa ne ẹyẹn, gha ọ tama uwa yi ighẹ uwa gha miẹn uhunmwu vbe obọ izohu Osanobua ne ọ dee na?

Iyẹn ne ọ Maan Ọghe Luk 6:45

Aza emwi esi ne Ọ rre ọmwa esi ẹko, ọre ọ ke viọ emwi esi ladian, aza emwi dan ne ọ rre ọmwa dan ẹko, ọre ọ ke viọ emwi dan ladian. Rhunmwuda emwi ne ọ re ọmwa ekhọe ọre unu ẹnrẹn ta ladian.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Ẹfisọs 5:4

Erriọ ọre ọ ma vbe zẹdẹ ma ne uwa ne uwa gha ta ẹmwẹ ihi, ẹmwẹ akpa, ra ẹmwẹ iruẹn. Sokpan te ọ kere ne uwa gha rhie ekpọnmwẹ ne Osanobua.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Samuẹl 24:13

Wẹ họn ẹn vbe a ya ẹe kpa itan wẹẹ, ‘Emwa dan ọ re ọ ru emwi dan,’ sokpan mẹ i ra ya obọ kan ruẹn.