Matiu 12:32 - Edo Bible (E Baibol Ẹdo) Version 1996

³² Ọmwa gha fi. unu gie ovbi ọmwa, a gha ya bọe, sokpan ọmwa ne ọ fi unu gie Orhiọn Ne Ọ Huanrẹn, a i ya bọe nian ra ẹdẹdẹmwẹdẹ.

Matiu 12:32 ပူးပေါင်းရင်းမြစ်များ

Job 36:13

“Ohu ohu ọ re iran ne emwa dan mu, a gha kue vbe rri iran oya, iran i tu nọ iyobọ.

Matiu 11:19

Ovbi Ọmwa ghi vbe rre, ọ kegha re, ọ kegha da. Emwa ghi ra vbe kha, iran wẹẹ, ‘U ghe ẹre ighe ọmwẹko, ọdayọn, rẹn vbe iran ni koko igho uhunmwu kevbe avbe ẹwobi emwa ọre ọ gba mu obọ!’ Vbene ọ rhirhi a gha ye hẹ, emwi ne a ya ẹwaẹn Osanobua miẹn, ọre ọ kha ene unu ẹwaẹn Osanobua.”

Matiu 12:31

Rhunmwuda ọnii nian, gunmwẹ tama uwa wẹ orukhọ hia ne ọmwa rhirhi ru, ra ẹmwẹ dan hia ne ọmwa a rhirhi ta, a gha ya bọ e, sokpan ọmwa ne ọ fi unu ghe Orhiọn Ne Ọ Huanrẹn a i ya bọe.

Matiu 12:8

Rhunmwuda Ovbi Ọmwa ọre ọ yan Ẹdẹ Ikẹtin.”

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Matiu 13:39

Esu tobọ ẹre ọrọre ọmwa ne ọ do tu ohunhun ye ugbo. Ẹghẹ emwiorhọ ọrọre ufomwẹ agbọn. Avbe odibosa ọrọre iran ni rhọ emwiorhọ.

Matiu 13:40

Zẹ vbene a gbalọ ohunhun, ne a na vbe ya erhẹn giẹn ọnrẹn uan, erriọ gha ye vbe ẹdẹ okiekie.

Matiu 13:55

Ọna i re ovbi owinna, ne Meri biẹe, ọtiẹn Jems, Josẹf Saimọn kevbe Judas.

Matiu 8:20

Jesu wanniẹn tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ okọ, sokpan Ovbi Ọmwa i mwẹ ehe ne ọ mu uhunmwu yan hẹwẹ.”

Iyẹn ne ọ Maan Ọghe Mak 10:30

Ọ gha miẹn inu ne ọ sẹ iran ukhukhu ne ọ khin vbe agbọn na, ọ gha miẹn ukhukhu iyisẹn ọ ghe owa, etẹn ne ikpia, etẹn ne ikhuo, iye, emọ kevbe ugbo deba ukpokpo, kevbe agbọn ne ọ dee, ẹfe ne ẹ i mwẹ ọfo.

Iyẹn ne ọ Maan Ọghe Mak 3:28

“Wa rhie ẹmwẹ na ye ekhọe! Orukhọ ke orukhọ, ne ọmwa a rhirhi ru, ra ẹmwẹ dan ke ẹmwẹ dan ne ọmwa a rhirhi guan, a gha ya bọ ẹe.

Iyẹn ne ọ Maan Ọghe Mak 3:29

Sokpan ọmwa ne ọ kpa unu ghe Orhiọn Ne Ọ Huanrẹn, a i ra ya bọ ẹe ẹdẹdẹmwẹdẹ rhunmwuda orukhọ etẹbitẹ ọre ọ ru.”

Iyẹn ne ọ Maan Ọghe Luk 12:10

“Ọmwaikọmwa ne ọ ye ukpẹ sakan Ovbi Ọmwa, a gha ya bọe, sokpan ọmwa ne ọ rhirhi ya ukpẹ sakan Orhiọn Ne ọ huanrẹn, a i ra ya bọe.

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Iyẹn ne ọ Maan Ọghe Luk 18:30

gha mwẹ ni bun sẹ ọnii ẹsẹse vbe agbọn na. Ọ ghi vbe gha mwẹ ẹfe ne ẹ i mwẹ ọfo vbe agbọn ne ọ dee.”

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

Iyẹn ne ọ Maan Ọghe Luk 7:34

Ovbi Ọmwa rre, ọ na gha re, ọ na gha da, wa ghi ra vbe kha, wa wẹẹ, ‘U ghe ẹre ighe ọmwa ẹko kevbe ọdayọn, rẹn vbe iran ni koko igho uhunmwu kevbe avbe ẹwobi emwa ọre ọ gba mu obọ!’

Iyẹn ne ọ Maan Ọghe Jọn 7:12

Ẹbu ni hia kegha talọ ivbi ọta vbe ekpa ẹre. Emwa eso wẹ, “Ọmwa esi nọ,” eso kevbe wẹẹ, “Ohoghe nọ, te ọ hiẹ agbọn mu ru.”

Iyẹn ne ọ Maan Ọghe Jọn 7:39

Jesu ta ẹmwẹ na rhunmwuda Orhiọn ne a gha rherhe rhie ne iran ni ya ẹe yi. Ẹghẹ na, a ma he rhie Orhiọn ne ọmwarhọkpa rhunmwuda a ma he tọn Jesu mu la uwu uyi.)

Iyẹn ne ọ Maan Ọghe Jọn 7:52

Iran wanniẹn tama rẹn wẹẹ, “E Galili wẹ vbe ke rre ra? Ya tie Ebe ne u ghe ẹre, u gha miẹn wẹ akhasẹ ma he ke Galili rre ẹdẹ.”

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Ẹfisọs 1:21

Evba nii ọre Kristi na dakha yan avbe ọdakha ni rre ẹrinmwi hia, kevbe asẹ kevbe ẹtin kevbe iran nekhua, rẹn yo sẹẹ eni ne a rhie asẹ na hia, ni rre agbọn na kevbe agbọn ne ọ dee.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

I Timoti 1:15

Ẹmwẹ ẹmwata ne ọ re ne a gha wa rhan obọ miẹn, ne avbe yae ẹe yi nọ wẹẹ: Te Kristi Jesu rrie agbọn, ne ọ do miẹn emwa oru khọ fan: Mẹ ọrọre ọka ẹrhia ne ọ rrọọ.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

Taitọs 2:12

Ẹsọhẹ ni ọre ọ ma ima ẹre, ne a gha zobọ vbe avbe uyinmwẹ ne ẹ i re ọghe Osanobua, kevbe orriarria emwi agbọn na hia, ne a gha yin uyinmwẹ a i balọ egbe ne ọ mudia ẹse, kevbe uyinmwẹ ne ọ khọ ọghe Osanobua vbe agbọn na.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.