Matiu 12:29 - Edo Bible (E Baibol Ẹdo) Version 1996

²⁹ “Ọmwa ne ọ gha sẹtin gbe urho la owa ọmwẹtin ya viọ ẹre emwi, ẹ i rrọọ vbe ẹ i rre te ọ ka mu ọmwẹtin ni gba nẹ, ọ te ya viọ ẹre emwi.

Matiu 12:29 ပူးပေါင်းရင်းမြစ်များ

Aizaia 49:24

Wẹ gha sẹtin miẹn ovbiyokuo emwi ne ọ fu viọ ra? Wẹ gha sẹtin fannọ avbe oleghan ọmwọkhọ kua?

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Matiu 12:28

Sokpan Orhiọn Osanobua ọre ọ rhie asẹ mẹ ne I ya gha khulo orhiọn esu ladian, ọ ni rhie ma nian ighe Arriọba Osanobua rre ke uwa yi nẹ.

Matiu 12:30

“Ọmwa ne ẹ i rre otu mwẹ, te ọ gunmwẹ gbinna. Ọmwa ne ẹ i gunmwẹ si emwi koko, te ọ duẹ ọre rua a.

Iyẹn ne ọ Maan Ọghe Mak 3:27

“Ọmwa ọkpa ne ọ gha sẹtin gbe egbe la owa okpia ne ọ wo vbe egbe ne ọ ya fu ẹre emwi viọ, ẹ i rrọọ, sokpan a ma wẹ ọ ka mu okpia ne ọ wo vbe egbe nii gba nẹ, iyeke ọnii, ọ sẹtin ya fu ẹre emwi ni rre ẹre owa viọ.

I Jọn 3:8

Ọmwaikọmwa ne ọ vbe gha ru orukhọ khian, ọghe Esu nọ, rhunmwuda, ke omuhẹn gha dee ọre Esu na ru orukhọ. Rhunmwuda ọna ọre Ovbi Osanobua na rre, ne ọ do fuẹn iwinna Esu ua.

I Jọn 4:4

Sokpan, wa ne ivbi mwẹ, ọ ghe Osanobua ọre uwa khin, wa vbe munọ avbe akhasẹ ohoghe gbe otọ nẹ, rhunmwuda Orhiọn ne ọ rre uwu uwa wo vbe egbe sẹ orhiọn ne ọ rre uwu iran ni re ọ ghe agbọn na.