Matiu 12:27 - Edo Bible (E Baibol Ẹdo) Version 1996

²⁷ Wa khare ighe Bẹlzibọb ọre ọ rhie ẹtin ne I ya khu orhiọn esu ladian mẹ. A deghẹ erriọ nọ, gha ọ rhie ẹtin ne ekpayẹ uwa ya gha khulo iran ladian. Avbe ekpayẹ uwa ọre ọ sosẹe gbe uwa ighe uwa ba odẹ ku nẹ.

Matiu 12:27 ပူးပေါင်းရင်းမြစ်များ

Matiu 10:25

Ọmwa ne a ma ẹre emwi sẹtin hia ne ọ vba ne ọ ma ẹre emwi. Ra ne ọviẹn vba enarẹn. Adeghẹ iran tie ọdafẹn nọyan owa Bẹlzibọb, inu ghi nọ ne iran ni rre owa ni!

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Matiu 9:34

Sokpan avbe Farisi keghi kha wẹẹ, “Olotu avbe orhiọn esu ọre ọ rhie ẹtin nẹẹn ne ọ ya gha khulo avbe orhiọn esu ladian.”

Iyẹn ne ọ Maan Ọghe Luk 11:19

A deghẹ erriọ mẹ ya khulo iran ladian, vbe avbe ekpayẹ uwa ya khulo iran ladian hẹẹ? Ekpayẹ uwa ọre ọ ghi gia miẹn ugbaro ẹre nian ighe te uwa ba odẹ ku.

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.