Matiu 12:25 - Edo Bible (E Baibol Ẹdo) Version 1996

²⁵ Jesu rẹn emwi ne ọ rre iran ekhọe, ọ keghi tama iran wẹẹ, “Agbọn ẹvbo ọkpa gha fian egbe ye iheva gha gu egbe khọn nẹ, ẹ i ghi tọ. Igiowa ra okpẹvbo gha fian egbe ye iheva gha gu egbe khọn, te ọ zagha.

Matiu 12:25 ပူးပေါင်းရင်းမြစ်များ

I Ọba 16:21

Ivbi Izrẹl keghi ghae egbe ye ihe eva, eso vbọ kegha ho ne iran ma Tibni ne ovbi e Ginat ọba, eso kevbe gha rre asa ọghe Ọmri.

Psalm 139:2

U rẹn emwi ne I ru hia, urria gban an ọ re u na rẹn iro ekhọe mwẹ hia.

Aizaia 9:21

Ivbi e Manasẹ kevbe ivbi Ifreim gha gu egbe khọn, iran ghi vbe koko mu okuo gie Juda. Sokpan, ọ rhe ye vberriọ, ohu e Nọyaẹnmwa ma he ye fo, te obọ ẹre ye niẹn ladian ne ọ rriaikhi.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Matiu 9:4

Jesu rẹn iro ne iran zẹ, ọ keghi kha wẹẹ, “Vbọzẹ ne uwa na ro iro dan na yi?

Iyẹn ne ọ Maan Ọghe Mak 2:8

Jesu wa rẹn vbe ọwarọkpa emwi ne ọ rre iran ekhọe, ọ keghi tama iran wẹẹ, “Vbọzẹ ne uwa na zẹ iro vberriọ yi?

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

I Kọrinti 2:11

Ekhọe ọmwa ọkpa ọre ọ rẹn emwi ne ọ rre ọmwa ni ekhọe hia, erriọ vbe nọ, ekhọe Osanobua ọkpa ọre ọ rẹn emwi ne ọ rre Osanobua ekhọe hia.

Galatia 5:15

Sokpan deghẹ te uwa ru emwi vbe atita, vbe ne uwa na kuan egbe, ye akọn rri egbe, wa ghi khẹ ye egbe ne uwa ghẹ ya miẹn egbe uhunmwu.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.