Matiu 12:22 - Edo Bible (E Baibol Ẹdo) Version 1996

²² Iran keghi mu okpia ọkpa ne ọ mwẹ orhiọn esu bu Jesu rre, ọ rhu aro ọ keghi vbe re odin. Jesu keghi mu ẹre egbe rran, ọ kegha bẹghe, ọ keghi vbe gha guan.

Matiu 12:22 ပူးပေါင်းရင်းမြစ်များ

Psalm 51:15

Yọmwẹ obọ ne I guan Nọyaẹnmwa, mẹ gha vbe gha rho ruẹ.

Aizaia 29:18

Ogha sẹ ẹdẹ nẹdẹrriọ, ayenhọ gha họn vbe a gha tie ebe ladian avbe arhuaro ni ka rre uwu ebiebi yi, gha rhan aro ua, iran ghi vbe dẹghe.

Matiu 4:24

Ẹmwẹ ọnrẹn keghi wa titi gba otọ Siria hia sẹrriọ wẹ iran kegha viọ emwa nikhuọnmwi kevbe ne emwikemwi ghi ru bu ẹre rre, iran ni mwẹ orhiọn esu, iran ni de, iran ne arọ kinmwi, Jesu keghi mu ehia egbe rran.

Iyẹn ne ọ Maan Ọghe Mak 3:11

Iran ne orhiọn esu rre uwu iran gha wa bẹghe ẹre, iran ghi de fianmwẹ otọ, iran ghi datu wẹẹ, “Wẹ ọrọre Ovbi Osanobua.”

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

II Tẹsalonaika 2:9

Ẹtin e Setan ọre Ọmwa Dan nii gha ya rre, ọ ghi winna iwinna ọyunnuan ughughan, kevbe orhiemaa ohoghe, kevbe ọyunnuan.