Matiu 12:20 - Edo Bible (E Baibol Ẹdo) Version 1996

²⁰ Rẹn i ra bun ovbi erhan ne ọ vbokho nẹ fo, ra ne ọ dọ ukpa ne ọ ba ruẹ ruẹ yọ. Rẹn i ra hẹwẹ rhinrin ẹmwata te do khọnmiotọ,

Matiu 12:20 ပူးပေါင်းရင်းမြစ်များ

II Ọba 18:21

Te u mu ẹtin yan Igipt ne ọ ru iyobọ ne uẹn, sokpan te ọ yevbe ne ọmwa ya ovbi erhan ru ọkpọ ne ọ ya tua otọ khian, te ọ bun fua, ọ ghi so e nọyan rẹn obọ, erriọ Igipt ye vbe ọmwaikọmwa a mu ẹtin yan rẹn.”

Psalm 147:3

Ọ mu iran ne ekhọe ẹre rhiae egbe rran, ọ keghi vbe gbalọ iran ẹwẹn.

Psalm 51:17

Izọese mwẹ, ọrọre ekhọe ne ọ mu egbe rriotọ Osanobua, wẹ i ra he ekhọe ne ọ mu egbe rriotọ, kevbe ne ọ roiro fi uyimwẹ werriẹ.

Aizaia 40:11

Ọ gha gbearoghe avbe ohuan rẹn zẹvbe ne ọsuohuan ru. Ọ gha si avbe oteghe ohuan koko, ọ ghi munọ iran ye ekuaobọ ẹre ọ ghi su avbe iye iran hẹnnẹhẹnnẹ.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Ezikiẹl 34:16

“I gha gualọ ni wiri vbọ, I ghi viọ iran ni bibi odẹ vbọ werriegbe rre, I gha gbalọ ẹwẹn iran ni kuan egbe vbọ, I ghi vbe sinmwi iran ni khuọnmwi, sokpan, I gha fuẹn ni ti ye egbe kevbe ni wegbe vbọ hin rre, rhunmwuda, ọsuohuan ne ọ ru emwi ne ọ gbae mẹ khin.

Levitikọs 10:20

E Mosis ghi họn ẹmwẹ na, ẹko ẹre ke ghi vuọn ẹẹn.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Matiu 11:7

Erhuanegbe Jọn ghi kpao nẹ, Jesu keghi suẹn gha ta ẹmwẹ Jọn ma iran ni gbe ẹbu ye ehe ne ọ ye wẹẹ, “Ẹghẹ ne uwa na bu Jọn gha rrie uwu ato, de egbe ọmwa ne uwa te ro ighe ọ khin? Ebe erhan ne ẹhoho biyo birre?

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

II Kọrinti 2:14

Sokpan, ekpọnmwẹ nọ ne Osanobua, rhunmwuda, vbe a kugbe ba Kristi, Osanobua ghi gha viọ ima khian zẹ vbe oghunmwu vbe uwu emwa ne Kristi viọ rre vbe okuo ne ọ na khọn miotọ. Zẹ vbe ori ne ọ winhin ne ọ gba ehe hia, Osanobua lo ima ya ye Kristi khian ne emwa hia rẹnrẹn.

II Kọrinti 2:7

Vbene ọ rhirhi gha ye hẹ, wa ya bọ ẹe, wa ghi vbe gha bu ẹre ude iwo vbe egbe ne ekhọe ẹre ghẹ ya rhia sẹrriọ ne ọ gha na ghi wa zobọ fẹẹrẹ.

Arhie Maan 6:2

I ghi tọn aro mu, I keghi bẹghe ẹsin nọfua ọkpa. Ọmwa ne ọ hin ẹnrẹn, mu uhanbọ mwẹ, a keghi vbe mu erhu ẹde nẹẹn. Ọ keghi ladian zẹ vbe ọmwa ne ọ khọn miotọ nẹ, ọ ra vbe ya khọnmiotọ.