Matiu 12:2 - Edo Bible (E Baibol Ẹdo) Version 1996

² Avbe Farisi ghi miẹn ọna, iran tama Jesu wẹẹ, “Uhi ima wua emwi ne avbe erhuanegbe ruẹ ru na vbe Ẹdẹ Ikẹtin!”

Matiu 12:2 ပူးပေါင်းရင်းမြစ်များ

Ẹksọdọs 23:12

“Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Ẹksọdọs 35:2

Ẹdẹ ehan ọre uwa gha ya gha winna sokpan ẹdẹ ne ogihinrọn ghi gha re Ẹdẹ Ikẹtin ne ọ huanrẹn ne uwa, Ẹdẹ ọghe Ikẹtin ne a ya fiohan ne ime ne Nọyaẹnmwa. Ọmwaikọmwa ne ọ winna ẹn ẹdẹrriọ, a gha gbe ẹe rua.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Matiu 12:10

Okpia ọkpa ne obọ ẹre luẹluẹe keghi rre evba. Emwa eso ni gualọ Jesu ẹmwẹ ne unu keghi vbe rre evba. Iran nọ rẹn wẹẹ, “Uhi ma sighe wẹ ne a ghẹ mu ọmwa egbe rran vbe Ẹdẹ Ikẹtin ra?”

Matiu 12:3

Jesu keghi wanniẹn, “Wa ma he tie emwi ne Devid ru ẹghẹ ni vbe ohanmwẹ gbẹe ke irẹn kevbe avbe ikpayẹ ọre?

Iyẹn ne ọ Maan Ọghe Mak 2:24

Rhunmwuda ọnii, avbe Farisi khama Jesu wẹẹ, “Uhi ima ma ye obọ ye emwi ne avbe erhuanegbe ruẹ ru vbe Ẹdẹ Ikẹtin na.”

Iyẹn ne ọ Maan Ọghe Luk 14:3

Jesu keghi yama avbe iran ni ma emwa Uhi kevbe avbe Farisi wẹẹ, “Uhi ima gele kha ne a gha sinmwi ọmwa vbe Ẹdẹ Ikẹtin ra ọ ma kha vberriọ?”

Iyẹn ne ọ Maan Ọghe Luk 23:56

Iran na dọlegbe gha rrie owa, iran keghi ya le ori ne ọ winhin kevbe emwi ne ọ winhin ọvbehe ne a ra ya wo egbe Jesu, ọ ghi sẹ Ẹdẹ Ikẹtin, iran keghi kẹtin zẹ vbe ne Uhi khare.

Iyẹn ne ọ Maan Ọghe Luk 6:2

Eso vbe uwu avbe Farisi keghi kha wẹẹ, “Vbọzẹ ne uwa na ru emwi ne uhi ima wẹ ne a ghẹ ru vbe Ẹdẹ Ikẹtin yi?”