Matiu 12:16 - Edo Bible (E Baibol Ẹdo) Version 1996

¹⁶ Sokpan ọ tama iran wẹ ne iran ghẹ gie emwa ọvbehe rẹn,

Matiu 12:16 ပူးပေါင်းရင်းမြစ်များ

Matiu 12:17

ne ẹmwẹ akhasẹ Aizaia miẹn ehe na sẹ wẹẹ:

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 8:4

Jesu keghi tama rẹn wẹẹ, “Danmwehọ, ghẹ tama ọmwa rhọkpa. Wa bu ohẹn gha khian nian ne ọ ghe ruẹ egbe, ya zọ ese ne Mosis fian yọ ne emwa miẹn ehe na rẹn ghe egbe rran ruẹn nẹ.”

Matiu 9:30

Aro iran keghi rhan. Jesu na tua unu muẹn tama iran wẹẹ, “Wa ghẹ tama ọmwa rhọkpa!”

Iyẹn ne ọ Maan Ọghe Mak 3:7

Jesu kẹe kevbe erhuanegbe ẹre kegha rrie ọkpẹn odighi e Galili, emwa ni bun keghi wa vbe bi lele ẹe, eso ke Galili rre eso ke Judia rre.

Iyẹn ne ọ Maan Ọghe Mak 7:36

Jesu keghi tama iran hia wẹ ne iran ghẹ tama ọmwa rhọkpa. Sokpan vbene irẹn ya tua unu mu ẹn erriọ iran vbe ya gha bọnmwẹ ọẹn khian.