Matiu 12:14 - Edo Bible (E Baibol Ẹdo) Version 1996

¹⁴ Avbe Farisi keghi ya si uma vbene iran gha ya gbe Jesu ua hẹẹ.

Matiu 12:14 ပူးပေါင်းရင်းမြစ်များ

Matiu 26:4

Iran keghi mwamwa vbene iran gha ya do mu Jesu hẹ ne iran gbe ẹe rua.

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Iyẹn ne ọ Maan Ọghe Mak 14:1

Ikpẹdẹ eha ọre ọ ghi kẹe ne a suẹn Emwiukpo Alagberra kevbe Eka Ne ọ ma hue. Avbe igie ohẹn kevbe avbe iran ni ma emwa Uhi kegha gualọ vbene iran gha ya do mu Jesu hẹ ne iran gbe ẹe rua.

Iyẹn ne ọ Maan Ọghe Mak 3:6

Vbe ọwarọkpa nii avbe Farisi keghi kpao vbe Ọgua ediọn rre, iran keghi ya gu eso vbe uwu avbe ekpayẹ Hẹrọd si uma vbene iran gha ya ghe Jesu hẹ.

Iyẹn ne ọ Maan Ọghe Luk 22:2

Avbe igie ohẹn, iran ni ma emwa Uhi, keghi gualọ odẹ vbene iran gha ya gbe Jesu rhunmwuda ohan avbe emwa kẹkan mu iran.

Iyẹn ne ọ Maan Ọghe Luk 6:11

Sokpan ohu mu iran hia, iran na ya gha si uma vbene iran gha ru Jesu hẹ.

Iyẹn ne ọ Maan Ọghe Jọn 10:31

Avbe Ju keghi vbe dọlegbe viọ okuta ne iran filo gbe ẹe.

Iyẹn ne ọ Maan Ọghe Jọn 10:39

Iran keghi te vbe dọlegbe gha ho ne iran mu ẹn sokpan iran keghi ye obọ khuọre fe.

Iyẹn ne ọ Maan Ọghe Jọn 11:53

Rhunmwuda ọnii, ke ẹdẹ ne ẹdẹrriọ kpao, avbe ọdakha avbe Ju keghi si uma wẹ ne iran gbe Jesu ua.

Iyẹn ne ọ Maan Ọghe Jọn 11:57

Avbe igie ohẹn kevbe avbe Farisi tama emwa hia nẹ wẹẹ, ọmwa ne ọ rhirhi rẹn ehe ne Jesu ye, ne ọ do kha ne iran ya mu ẹn.

Iyẹn ne ọ Maan Ọghe Jọn 5:18

Ẹmwẹ na keghi wa dọlegbe ya avbe Ju rhie gba yọ wẹ te iran gha gbe ẹe rua rhunmwuda ẹ i re uhi Ẹdẹ Ikẹtin ọkpa ọre ọ ghi rra, sokpan ọ wa vbe kha wẹẹ, “Erha irẹn ọre Osanobua khin, ọ gha gu Osanobua mwa ẹrrẹe.”

Iyẹn ne ọ Maan Ọghe Jọn 7:30

Iran keghi te gha ho ne iran mu ẹn sokpan, ọmwa ne ọ ye obọ kan rẹn ẹ i rrọọ rhunmwuda ẹghẹ ọre ma he sẹ.

Iyẹn ne ọ Maan Ọghe Jọn 7:32

Avbe Farisi keghi họn wẹ emwa do ta ẹmwẹ na vbe ẹkhokho vbe ekpa ẹre, rhunmwuda ọnii, iran, deba avbe igie ohẹn keghi gie avbe ọgbalegbe eso ne iran ya mu Jesu.

Iyẹn ne ọ Maan Ọghe Jọn 7:44

Eso keghi te ho ne iran mu ẹn, sokpan a ma miẹn ne ọ dobọ muẹn.

Iyẹn ne ọ Maan Ọghe Jọn 8:59

Iran keghi mu nọ okuta ne iran filo gbe ẹe, sokpan Jesu rhie egbe lẹre, ọ keghi kpao vbe Ọgua Osa rre.