Matiu 12:10 - Edo Bible (E Baibol Ẹdo) Version 1996

¹⁰ Okpia ọkpa ne obọ ẹre luẹluẹe keghi rre evba. Emwa eso ni gualọ Jesu ẹmwẹ ne unu keghi vbe rre evba. Iran nọ rẹn wẹẹ, “Uhi ma sighe wẹ ne a ghẹ mu ọmwa egbe rran vbe Ẹdẹ Ikẹtin ra?”

Matiu 12:10 ပူးပေါင်းရင်းမြစ်များ

Aizaia 32:6

Ẹmwẹ ukọnmwẹ ọ re akpa guan, ọ ghi vbe gha zẹ iro emwi dan ne irẹn gha ru, emwi ne ọ ru kevbe ẹmwẹ ne ọ ta, ne a ya yagha e Nọyaẹnmwa ọ re ehia khin. Ẹ i rhie evbare ne ọmwa ne ohanmwẹ gbe ra ne ọ sa amẹ ne ọmwa ne ovbamẹ gbe wọn.

Aizaia 59:13

Ma sẹmwẹ ru ẹ, ma he uwẹ yotọ, ma ma ghi lele uwẹ, ma wọ avbe ẹrrẹe uhunmwu ma keghi fi iyeke gbe uwẹ. Ohoghe iro ne ima zẹ khin, ẹmwẹ ne ima ta i re ẹmwata.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Zẹkaraia 11:17

Ọghọe fo nẹ ighẹ ọsuohuan ne ọmwa oya nii. Ọ he oghẹn ohuan rẹn ye otọ nẹ. Okuo ọ re ọ ra fuẹn ẹtin ẹnrẹn uan fẹẹrẹ. Obọ ẹre gha luẹluẹ, aro obọ erha ọmwa rẹn gha rhu.”

Matiu 12:2

Avbe Farisi ghi miẹn ọna, iran tama Jesu wẹẹ, “Uhi ima wua emwi ne avbe erhuanegbe ruẹ ru na vbe Ẹdẹ Ikẹtin!”

Matiu 19:3

Avbe Farisi ni gualọ ẹre ẹmwẹ ne unu keghi rre, iran nọ rẹn wẹẹ, “Uhi ima fan obọ ẹre ne okpia ra ne ọ gha khu amwẹ ọnrẹn ba ẹmwẹ emwi ne ọ rhirhi khọn rẹn?”

Iyẹn ne ọ Maan Ọghe Mak 3:2

Emwa eso ni gualọ ehe ne iran gha na mu ẹmwẹ kuan Jesu keghi vbe rre evba. Rhunmwuda ọnii iran kegha bae deghẹ ọ gha sinmwi ọkhọnmwọ nii vbe Ẹdẹ Ikẹtin.

Iyẹn ne ọ Maan Ọghe Luk 11:54

Iran kegha gualọ ọre ẹmwẹ ne unu ne a ma miẹn ẹmwẹ dan ọkpa ke ye ọre owẹ ighẹ rẹn ọre ọ tae.

Iyẹn ne ọ Maan Ọghe Luk 13:14

Ohu keghi mu enọ gbe aro ghe Ọgua ediọn rhunmwuda ighe Jesu sinmwi ọmwa vbe Ẹdẹ Ikẹtin, rẹn keghi rhunmwuda ọnii tọn urhu mu tama emwa hia wẹẹ, “Ikpẹdẹ ehan ọre a ya winna, ẹghẹ ni ọre uwa gha na gha rre ne a do gha mu uwa egbe rran ighẹ ẹ i re Ẹdẹ Ikẹtin.”

Iyẹn ne ọ Maan Ọghe Luk 20:22

Tama ima, vbene Uhi ima khare, a i ghẹ ru nọ vbe a gha zẹ igho uhunmwu gie Nọgbaisi e Rom ra ẹ i rọre?”

Iyẹn ne ọ Maan Ọghe Luk 23:14

Ọ tama iran wẹẹ, “Wa mu okpia na bu mwẹ rre wẹ ọ ruẹn ẹmwẹ ye emwa ẹko. Sirra uwa hia ọre I na gualọ otọ ẹmwẹ na, I ma miẹn ne ọ ginna ẹn vbe ẹzọ dan hia ne uwa gu ẹe gui.

Iyẹn ne ọ Maan Ọghe Luk 23:2

Iran keghi ba ẹre ifi ẹzọ wẹ, “Ma mu okpia na vbe uwu ehe ne ọ na ruẹn ẹmwẹ ye emwa ima ẹko, ọ wẹ ne iran ghẹ ghi ha igho uhunmwu gie Nọgbaisi, ọ wẹ rẹn tobọ irẹn ọrọre Kristi ne Ọba.”

Iyẹn ne ọ Maan Ọghe Jọn 5:10

Ẹdẹ Ikẹtin ọre emwi na na sunu. Ẹ re ivbi Eju na tama ọmwa ne a sinmwi nii wẹẹ, “Ẹdẹ Ikẹtin ọ na khin. Uhi ima ma fan obọ ẹre nuẹn ne u mu ewa ruẹ.”

Iyẹn ne ọ Maan Ọghe Jọn 5:3

Avbe ọkhọnmwọ ni bun keghi lovbiẹ lele ikpogho ẹre, avbe arhuaro, uke kevbe arọe. [Iran gha mudia khẹ ẹghẹ ne a gha ya tughu amẹ ni.

Iyẹn ne ọ Maan Ọghe Jọn 7:23

Adeghẹ wa rhunmwuda na ghẹ rra Uhi Mosis, rhuẹ ọmọ okpia vbe Ẹdẹ Ikẹtin, vbọzẹ ne uwa na mu ohu mwẹ rhunmwuda ighe I mu ọmwa egbe rran giẹnrẹn vbe Ẹdẹ Ikẹtin?

Iyẹn ne ọ Maan Ọghe Jọn 8:6

Te iran ta ẹmwẹ na ya gualọ re ẹmwẹ ne unu ne iran miẹn ehe na miẹn ẹzọ gu ẹe gui. Sokpan Jesu keghi vbẹ rre, ọ na gha ye ukpẹ ihiẹn obọ gbẹnnẹ emwi ye otọ.

Iyẹn ne ọ Maan Ọghe Jọn 9:16

Eso vbe uwu avbe Farisi keghi kha wẹẹ, “Ọmwa ne ọ ru emwi na i sẹtin gha re ọmwa ne ọ ke ehe ne Osanobua ye gha dee, rhunmwuda ọ ma da ne uhi Ẹdẹ Ikẹtin.” Eso vbọ kevbe kha wẹẹ, “Vbe ọmwa ne ọre ọmwa orukhọ ra ya sẹtin winna iwinna ọyunnuan vbenian hẹ yi?” Iwannegbe kegha rre ẹkpo iran.