Matiu 11:8 - Edo Bible (E Baibol Ẹdo) Version 1996

⁸ De emwi ne uwa ladian ya ghee? Ọmwa ne ọ ye ukpọn haan nọ ra? Ẹguae ọre a na miẹn egbe ọmwa vberriọ.

Matiu 11:8 ပူးပေါင်းရင်းမြစ်များ

II Ọba 1:8

Iran keghi wanniẹn wẹẹ, “Ọ mu agbada ne a ya ohian aranmwẹ se yọ, ọ keghi ya ugbẹkun ohian gba ẹe.” Ọba keghi kha wẹẹ, “Elaija nọ.”

Aizaia 20:2

Odẹ ukpo eha ne ọ gberra, emwi na ke do sunu, e Nọyaẹnmwa ke khama Aizaia ne ovbi Amọz wẹ ne ọ bannọ ibata ẹre kevbe ukpọn ẹkpo ivin ne ọ te yọ hẹ kua. Ọ keghi gele ru vberriọ, ọ na bannọ uan gha ya owẹ kẹkan mama otọ lele ehe hia khian.

Zẹkaraia 13:4

Ọ gha sẹ ẹghẹ nii, akhasẹ ne ọ gha ye ẹmwẹ umian ẹnrẹn gha hio i rrọọ ra na ọ gha ru emwi akhasẹ ra ne ọ silo iba ukpọn ye egbe ya gha mu emwa ru.

Matiu 11:7

Erhuanegbe Jọn ghi kpao nẹ, Jesu keghi suẹn gha ta ẹmwẹ Jọn ma iran ni gbe ẹbu ye ehe ne ọ ye wẹẹ, “Ẹghẹ ne uwa na bu Jọn gha rrie uwu ato, de egbe ọmwa ne uwa te ro ighe ọ khin? Ebe erhan ne ẹhoho biyo birre?

Matiu 11:9

Wa tama mwẹ, vbe uwa te ya ghe? Akhasẹ nọ ra? Ẹmwata ọ ni khin, sokpan ne I tama uwa, ọ kpọlọ sẹ akhasẹ.

Matiu 3:4

Ukpọn ne a ye eto aranmwẹ oha do ọre Jọn na gha mu rhuan, ọ ghi mu ugbẹkun ohian gba ẹkun, evbare ne ọ re keghi re irhiso kevbe owọn oha.

Iyẹn ne ọ Maan Ọghe Luk 7:25

De emwi ne uwa ladian ya ghee? Ọmwa ne ọ viọ ukpọn ni mose ye egbe? Sokpan emwa ni mu egbe vberriọ, ni vbe zẹ ọwọbu, ẹguae a na miẹn iran.

I Kọrinti 4:11

Do sẹ wanwanna, ma ya ohanmwẹ kevbe ohanmwẹ amẹ gbe egbe, ma silo osọnmwẹ ukpọn ye egbe, a gba ima, ma zozo la ehe hia.

II Kọrinti 11:27

I winnaẹn, I miẹn ẹsọn, ẹghẹ ọrhẹnrhẹn ọre I na ma ye aro kan ovbe, ohanmwẹ gbe mwẹ, ohanmwẹ vbe gbe mwẹ, ẹghẹ ni bun ọre evbare ma ya sẹ mẹ, vbe ne I i na miẹn ehe rhie uhunmwu lẹre yi, I i miẹn ukpọn rhie rhuan.

Diuteronomi 28:54

Uhin ya sẹ egbe adazẹ ne ọ ghi ru ọkhae ọmwa sẹ, ọ gha ba so ẹe sẹ vberriọ vbe a ghẹ ghi gha dunmwu ẹvbo ẹre wẹ, ọ ghi gbe ọkpa vbe uwu ivbi ẹre re rhunmwuda, ẹ i ghi mwẹ evbare ọvbehe, ẹ i vbe fian ne ọtiọnrẹn nọkpa vbọ, ra ne amwẹ ọnrẹn ne ọ hoẹmwẹ ọnrẹn, ra ne erhọkpa vbe uwu ivbi ẹre nii ghi ke ẹe.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”