Matiu 11:6 - Edo Bible (E Baibol Ẹdo) Version 1996

⁶ Afiangbe ọre ọghe ọmwa ne ọ ma gbe ọkhọnmwẹ ọkhọnmwẹ vbekpa mwẹ.”

Matiu 11:6 ပူးပေါင်းရင်းမြစ်များ

Psalm 119:1

Afiangbe ọrọre ọghe iran ne uyinmwẹ ọnrẹn gbae, ni vbe yin zẹ vbene uhi e Nọyaẹnmwa khare.

Matiu 13:21

Rhunmwuda ighẹ ọ ma dinmwi ye iran ekhọe, ẹ i tọ. Ukpokpo kevbe orueghe ghi rre rhunmwuda ẹmwẹ ni, iran keghi khuọn kua ọwarọkpa.

Matiu 18:7

Ohan agbọn to mwẹ rhunmwuda avbe emwi ne ọ de ọmwa odẹ ni rrọọ. Ẹ i mwẹ ne emwi ni si ọmwa fi orukhọ ghẹ sunu. Sokpan u miẹn vbe ọ gha ba so ọmwa ne ọ la obọ ẹre sunu hẹẹ.

Matiu 24:10

Emwa ni bun ọre ọ gha lahin iyayi rre vbe ẹghẹ ni. Iran ghi gha ye egbe dẹ, ẹko iran ghi gha khọ egbe.

Matiu 26:31

Ẹkpo ni ọre Jesu na tama iran wẹẹ, “Vbe asọn na, wa hia gha lẹ kua, wa ghi sẹ mwẹ rae rhunmwuda ebe tae wẹẹ, ‘Osanobua gha gbe ne ọ su ohuan, ohuan hia ni rre oghẹn ni, ghi zagha kua.’

Matiu 5:29

Rhunmwuda ọnii, adeghẹ aro ruẹ ne obọ erha ọmwa ọre ọ ya a ru orukhọ, wọlọe fua. Egbe ma gba nuẹn ọre ọ maa sẹ ne a mu egbe ne a wẹ ọ gba nuẹn fi ẹrinmwi nehianmwivin.

Iyẹn ne ọ Maan Ọghe Mak 6:3

Ọ na i re owinna ne ovbi Meri, ọtẹn e Jems, Jose, Judas kevbe Saimọn? Etiọnrẹn nikhuo i vbe gu ima rre emwa na?” Rhunmwuda ọnii, iran ma rha obọ miẹn ẹnrẹn.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Iyẹn ne ọ Maan Ọghe Luk 7:23

U miẹn uwa ne ọmwa ne ọ ma gbe ọkhọnmwẹ ọkhọnmwẹ vbe gbe mwẹ ye!”

Iyẹn ne ọ Maan Ọghe Jọn 16:1

“Te I ta ẹmwẹ na ma uwa ne uwa ghẹ ya ba odẹ ku.

Iyẹn ne ọ Maan Ọghe Jọn 6:66

Rhunmwuda ọnọna, ni bun vbe uwu avbe erhuanegbe ẹre keghi werriegbe, iran ma ghi lele ẹe ọvbehe.

I Kọrinti 2:14

Sokpan ọmwa ne ẹ i mwẹ nene Orhiọn Ne Ọ Huanrẹn, ẹ i sẹtin rhan obọ miẹn ọhẹ ne ọ ke obọ Osanobua rre. Ẹmwata ẹ i rẹn emwi ne a ya ẹe kha, ẹmwẹ oya ehia khin vbe ehọ ẹre rhunmwuda orhiọn ne ọ huanrẹn ọre a ya sẹtin rẹn vbene uyi ẹre sẹ hẹ.

Galatia 5:11

Sokpan zẹ vbe ọghomwẹ, etẹn mwẹ, de emwi ne a ghi khu mwẹ khian ba yi a deghẹ te imẹ kpe orhu ẹre wẹ arhuẹ mwẹ esa ne ọ ye? Akpawẹ ẹmwata ọnii khin, orhu ne I kpe vbe ekpa ugbugbe Kristi ghẹ i gha si ẹmwẹ.

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.