Matiu 11:5 - Edo Bible (E Baibol Ẹdo) Version 1996

⁵ Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 11:5 ပူးပေါင်းရင်းမြစ်များ

II Ọba 5:14

Ẹre Naaman na gha rrie Jọdan, ọ na dinmwi ye uwu ẹre igba ihinrọn vbene Elaisia wẹ ne ọ ru ẹe, egbe keghi wa rran rẹn giẹnrẹn. Efun egbe ẹre keghi deziẹn, emianmwẹ i ghi rrọọ, ọ kegha ye zẹ vbe ne ọghe ọmobọ ye.

II Ọba 5:7

Ọba Izrẹl ghi tie ebe nii, ọ keghi sọọ ukpọn rẹn uan rhunmwuda ọ ye egbe wọ ọre, ọ kevbe fian ẹre afianma. Ọ keghi kha wẹẹ, “Vbe ọba e Siria na wẹ ne I sinmwi ọmwa na hẹ yi? Te irẹn ro ighẹ Osanobua ne ọ mwẹ ẹtin vbe uhunmwu arrọọ kevbe uwu mẹ khin ra? U ma miẹn ighẹ ẹmwẹ ọ re ọ ho mwẹ re na.”

Psalm 146:8

Ọ ghi vbe rhan avbe arhuaro aro. Ọ munọ iran ni dele kpaegbe; ọ ho ẹmwẹ emwa ẹmwata ọghọe.

Psalm 22:26

Avbe ivbiogue gha re vbene iran ho, iran ni bu e Nọyaẹnmwa rre, gha rho ẹre, te agbọn gha ma iran ẹdẹdẹmwẹdẹ.

Ẹksọdọs 4:11

E Nọyaẹnmwa keghi tama rẹn wẹẹ, “De ọmwa ne ọ rhie unu ọmwa nẹẹn yi? Gha ọ ya ẹe khian odin ra ayin ehọ? Gha ọ rhie adẹghe nẹẹn ra ne ọ ya ẹe rhu aro? Mẹ ne Nọyaẹnmwa nọ.

Aizaia 29:18

Ogha sẹ ẹdẹ nẹdẹrriọ, ayenhọ gha họn vbe a gha tie ebe ladian avbe arhuaro ni ka rre uwu ebiebi yi, gha rhan aro ua, iran ghi vbe dẹghe.

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 43:8

Osanobua khare wẹẹ, “Wa tie avbe emwa mwẹ ye iko. Iran mwẹ aro sokpan te iran rhu aro, iran mwẹ ehọ sokpan, iran i họn ẹmwẹ!

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Matiu 10:8

Wa mu iran ni khuọnmwi egbe rran, huẹn iran ni wulo kpaegbe, wa khue avbe ekhọnmwoti huan, wa khulo avbe orhiọn esu ladian. Te a rhie ne uwa ọghe ọhẹ, ọhẹ ọre uwa vbe rhie ẹre ne emwa ọvbehe.

Matiu 11:4

Jesu wanniẹn tama iran wẹẹ, “Wa ya tama e Jọn ẹmwẹ ne uwa họn ẹn kevbe emwi ne aro uwa sẹe na.

Matiu 12:13

Rẹn keghi tama okpia ni wẹẹ, “Niẹn obọ ruẹ ladian.” Ọ ghi siẹe ladian, obọ ẹre keghi do gha maa vbene nọkpa ye.

Matiu 21:14

Avbe uke kevbe arọe keghi bu ẹre la uwu Ọgua Osa, ọ keghi sinmwi iran hia.

Matiu 5:3

“Ọ maa ne iran ni rẹnrẹn ighe ivbiogue iran khin vbe orhiọn, iran ọre ọ yan Arriọba ẹrinmwi!

Matiu 9:30

Aro iran keghi rhan. Jesu na tua unu muẹn tama iran wẹẹ, “Wa ghẹ tama ọmwa rhọkpa!”

Iyẹn ne ọ Maan Ọghe Mak 7:37

Unu keghi yan emwa hia ni họn ẹn, iran wẹẹ, “Ọ dọlọ emwi hia yi, ọ ruẹe ne odin gha guan ọ vbe ruẹe ne ayin ehọ gha họn ẹmwẹ.”

Iyẹn ne ọ Maan Ọghe Mak 9:25

Jesu ghi ghee, emwa ni gbe ẹbu ye evba hẹko do lẹga iran, ọ keghi gu orhiọn dan ni guan wẹẹ, “Wẹ ne orhiọn odin ne ọ vbe yin ehọ, I tama ruẹn nian ne u ladian vbe egbe ọmọ na, ghẹ ghi dọlegbe la uwu ẹre ọvbehe.”

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Iyẹn ne ọ Maan Ọghe Jọn 10:25

Jesu wanniẹn wẹẹ, “I tae ma uwa nẹ sokpan wa ma ya mwẹ yi. Avbe iwinna ne I ya ẹtin Erha mwẹ winna ọre ọ sẹ osẹe mwẹ.

Iyẹn ne ọ Maan Ọghe Jọn 10:38

Sokpan deghẹ iwinna nii ọre I winna, deghẹ wa ma rhe ya mwẹ yi, wa ye avbe iwinna ni yi, ne uwa miẹn ehe na rẹn vbe ne a i ghi na gbe agbanmwẹ wẹ Evbavba rre uwu imẹ, mẹ vbe rre uwu Evbavba.”

Iyẹn ne ọ Maan Ọghe Jọn 2:23

Ẹghẹ ne Jesu na gha rre Jerusalẹm vbe ẹghẹ Emwiukpo Alagberra, emwa ni bun keghi wa ya ẹe yi vbe iran miẹn iwinna ọyunnuan ni bun ne ọ winnaẹn.

Iyẹn ne ọ Maan Ọghe Jọn 3:2

Ẹdẹ ọkpa, ọ keghi bu Jesu gha dee vbe asọn, ọ tama rẹn wẹẹ, “Rabai, ma rẹnrẹn ighe ọmamwaemwi ne Osanobua gie ọre u khin. Ọmwa ọkpa ne ọ gha sẹtin winna iwinna nekhua ne u winna i rrọọ deghẹ i re to Osanobua yaba ẹre.”

Iyẹn ne ọ Maan Ọghe Jọn 5:36

Sokpan mẹ mwẹ osẹ mwẹ ne ọ kpọlọ sẹ ne Jọn sẹe: I winna ne I ye obọ mwẹ winna, avbe iwinna ne Erha mwẹ viọ mẹ ne I winna, enena ọre ọ sẹ osẹe mẹ wẹẹ Evbavba ọre ọ gie mwẹ.

Iyẹn ne ọ Maan Ọghe Jọn 9:7

Ọ tama rẹn wẹẹ, “Ya kpe aro ruẹ vbe ọghọdọ Siloam.” (Emwi ne a ya ọnii kha ọrọre, “Gie.”) Okpia ni keghi gele gha khian, ọ kpe aro ẹre, ọ keghi werriegbe gha dee vbene ọ ghi na bẹghe.

Iwinna 2:22

“Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.