Matiu 11:30 - Edo Bible (E Baibol Ẹdo) Version 1996

³⁰ Urọnghọn ne I gha rhie ne uwa ye rọkhọọ, ihẹ ne I gha mu ne uwa ye hogha aa.”

Matiu 11:30 ပူးပေါင်းရင်းမြစ်များ

Itan 3:17

Ẹwaẹn gha sẹtin ye ẹdagbọn ruẹn khian ne ọ rhiẹnrhiẹn, ọ ghi vbe su ẹ la ẹe fo.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Matiu 12:1

Ọ ma ghi he kpee vbe iyeke ọnii, Jesu keghi fian ugbo ọka irhuarhua rra vbe Ẹdẹ Ikẹtin. Ohanmwẹ keghi gha gbe avbe erhuanegbe ẹre, iran kegha yobọ silo ọmọ ọka ni re.

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Iwinna 15:10

Rhunmwuda ọnii nian, de emwi ne ọ ghi si ẹe ne uwa na danmwẹ Osanobua ghee vbe ekpa ne uwa gha na kun ihẹ ne a vbe erha mwa odede, ra ma tobọ mwa ma sẹtin mu yan ivbi yayi uhunmwu?

Iwinna 15:28

Rhunmwuda, Orhiọn Ne Ọ Huanrẹn kevbe ima tae nẹ wẹ ne a ghẹ vbe kun ihẹ ọvbehe ne uwa gberra avbe ilele ne ọ kere na:

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

Galatia 5:18

A deghẹ Orhiọn Ne Ọ Huanrẹn ọre ọ dia ruẹ ye odẹ, ẹghẹ nii, wẹ i ghi rre ototọ nene Uhi.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

I Jọn 5:3

Rhunmwuda emwi ne a ya ahoẹmwẹ Osanobua kha ọre ọna khin, ọ rhie maa ima wẹ, ma ru vbene iyi ne irẹn yi khare. Iyi ne ọ yi, i vbe re ne ọ lọghọ ne ima gbe.