Matiu 11:3 - Edo Bible (E Baibol Ẹdo) Version 1996

³ Iran nọ Jesu wẹẹ, “Tama ima, wẹ ọrọre ọmwa ne Jọn wẹẹ ọ dee ra ne ima gha khẹ ọmwa ọvbehe?”

Matiu 11:3 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Psalm 118:26

Te Osanobua gha fiangbe ọmwa ne ọ dee vbe eni e Nọyaẹnmwa! Ma rhie afiangbe ne uẹn, ke uwu Ọgua Osa ọghe Nọyaẹnmwa gha dee.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Obedaia 1:21

Emwa ni khọnmiotọ vbe Jerusalẹm gha khọn mu Idọm, iran ghi vbe gha kha yan rẹn. E Nọyaẹnmwa tobọ ẹre ọre ọ khian gha re ọba.”

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Hagai 2:7

I gha ye avbe uhunmwu ẹvbo hia uhunmwu rhu, a ghi viọ emwi ẹfe iran gha die emwa na, Ọgua Osa ghi vuọn ne emwi ẹfe.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Malakai 4:2

Wa ghi gha re ne ẹ i mwẹ idobo, ẹko ghi vbe gha sẹ uwa ọyẹnmwẹ zẹ vbe ivbi ẹmila ne a viọ ke uwu ogba ladian.

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Matiu 11:10

Jọn ọrọre ọmwa ne a gbẹn ebe ẹre wẹẹ, ‘Osanobua khare wẹẹ, Ọguọmwadia mwẹ ne I gha gie ne ọ do zẹ odẹ ye otọ khẹ ruẹ ọre ọna khin.’

Matiu 11:4

Jesu wanniẹn tama iran wẹẹ, “Wa ya tama e Jọn ẹmwẹ ne uwa họn ẹn kevbe emwi ne aro uwa sẹe na.

Matiu 21:5

“Wa khama Zaiọn ne okpẹvbo, ọba ruẹ bu ruẹ dee nian. Ọmẹhẹ ne ọ hin ekẹtẹkẹtẹ, ọ hin ekẹtẹkẹtẹ ne aranmwẹ ne a ya kun ihẹ ke ovbi ekẹtẹkẹtẹ ne sọguọsọguọ.”

Matiu 21:9

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

Iyẹn ne ọ Maan Ọghe Mak 11:9

Iran ni khian vbe odaro ẹre kevbe iran ni lele ẹre odieke dee keghi suẹn gha datu wẹẹ, “Wa rho Osanobua! Te Osanobua gha fiangbe ọmwa ne ọ dee vbe eni ọghe Nọyaẹnmwa!

Iyẹn ne ọ Maan Ọghe Luk 19:38

“Te Osanobua gha fiangbe ọba ne ọ dee vbe eni Nọyaẹnmwa! Ọfumwegbe vbe ẹrinmwi kevbe uyi ne Osanobua.”

Iyẹn ne ọ Maan Ọghe Jọn 11:27

Rẹn wanniẹn wẹ, “Ẹsẹse Nọyaẹnmwa, Mẹ yayi ighe wẹ ọrọre Mẹzaia ne Ovbi Osanobua ne a wẹ re ọ die agbọn.”

Iyẹn ne ọ Maan Ọghe Jọn 12:13

Rhunmwuda ọnii, iran keghi viọ ewanmwẹ mwẹ obọ ya khian vba ẹre, iran kegha wee bọọ wẹẹ, “Wa rhie urhomwẹ ne Osanobua. Afiangbe Osanobua nọ ne ọmwa ne ọ dee vbe eni Nọyaẹnmwa. Afiangbe Osanobua nọ ne Ọba Izrẹl.”

Iyẹn ne ọ Maan Ọghe Jọn 16:14

Ẹ i ra zẹ ọghe obọ ẹre ta, ẹmwẹ ne ọ họẹn ọre ọ khian ta, ọ ghi vbe ta emwi ne ọ gha he sunu. Ọ gha rhie uyi mẹ, rhunmwuda, ọ gha rhie ẹmwẹ ne I gha te ta, ọ ghi rhie ẹre ta ma uwa.

Iyẹn ne ọ Maan Ọghe Jọn 4:21

Jesu tama rẹn wẹẹ, “Ya ẹmwẹ mwẹ yi okhuo na, ẹghẹ dee ne a gha na miẹn wẹ ẹ i re uhunmwu oke na ra Jerusalẹm ọre emwa gha na ga Evbavba.

Iyẹn ne ọ Maan Ọghe Jọn 6:14

Emwa ni rre evba ghi miẹn iwinna nọkhua ne Jesu winnaẹn, iran wẹẹ, “Vbe ẹmwata, ọnọna ọrọre nene akhasẹ ne ọ die agbọn.”

Iyẹn ne ọ Maan Ọghe Jọn 7:31

Sokpan emwa ni bun vbe uwu ẹbu nii keghi ya ẹe yi, iran wẹẹ, “Mẹzaia gha gele re, ọ gha winna iwinna ne ọ vbe kpọlọ sẹ ne okpia na winnaẹn ra?”

Hibru 10:37

Rhunmwuda zẹ vbene ebe khare, “Ọ gha ghi kpẹe kherhe, ọmwa ne ọ dee gha rre, Ẹ i ra yae rhọ eghẹrẹ.