Matiu 11:28 - Edo Bible (E Baibol Ẹdo) Version 1996

²⁸ “Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Matiu 11:28 ပူးပေါင်းရင်းမြစ်များ

Job 14:1

“A biẹlẹ ima hia ne ẹ i mwẹ ẹtin kevbe ne ẹ i sẹtin ye egbe ẹre obọ. Agbọn orhikhan ne a i na tọ ọ re ima hia ye.

Job 5:7

Ẹn o! Ọmwa ọ re ọ si ẹti ye egbe ẹre urhu, vbene ogiọnmwẹ erhẹn kpannọ ke uwu erhẹn ladian.

Psalm 116:7

Ghẹ ghi fian afianma, wẹ ekhọe mwẹ, rhunmwuda, e Nọyaẹnmwa ru mwẹ ẹse nẹ.

Psalm 32:4

Ke asọn kevbe avan ọ re u ya rriọmwẹ oya, Nọyaẹnmwa, orhiọn ni mwẹ fo fẹẹrẹ, zẹ vbene ovẹn uyunmwu ka evbu.

Psalm 38:4

Ẹzẹ esagiẹn orukhọ mwẹ lẹ mwẹ rriẹ ihẹ ọre khua gberra ne a sẹtin mu.

Psalm 94:13

U rhie ikẹtin ne ẹẹn vbe ẹghẹ ibaro, a te do tọn uye ya mu ọmwa dan vbe ifi.

Asan-Ibo 1:14

Aro mwẹ sẹ emwi hia ne a ru vbe agbọn na nẹ, ne I wa tama ruẹn nian wẹ erhọkpa i mwẹ esa. Te ọ yevbe ne a khu ẹhoho khin.

Asan-Ibo 1:8

Te emwi hia wa ya egbe wọ ọmwa, egbe wọmwẹ ne ẹ i gia gie. Ẹko emwi ne a bẹghe i vuọn aro, ra ne ehọ kha ighe ne irẹn he họn sẹe.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Aizaia 1:4

Ọghe uwa fo nẹ, wa ne uhunmwu ẹvbo ni ru orukhọ, wa ne emwa dan ni kẹkẹ ua! Orukhọ uwa silo uwa gbe otọ nẹ, wa fi yeke gbe Nọyaẹnmwa ne Osanobua Izrẹl, wa keghi hee ẹe yotọ.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 28:12

Ọ rhie ikẹtin kevbe ọfumwegbe ne uwa, sokpan, wa ma danmwehọ ẹre.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Jerimaia 31:25

I gha rhie ẹtin ye ne ẹtin fo iwu, kevbe iran ne ohanmwẹ wọ ẹre egbe yotọ, I gha ye evbare koko iran ne ẹko vuọn.

Jerimaia 35:16

“Ivbi e Jonadab ru zẹ vbene erha iran odede tama iran, sokpan, wa na ma hẹnmwẹ mẹ.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Matiu 11:29

Wa rhie urọnghọn mwẹ ye urhu uwa, wa do ruẹ emwi vbe ehe ne I ye rhunmwuda, ọmwa ne ọ fu kevbe ne ọ mu egberriotọ ọre imẹ khin, wa gha miotọ na hẹwẹ.

Matiu 23:4

Iran ghi kun ihẹ ne ọ khuaa mu yan emwa uhunmwu sokpan ukpẹ ihen obọ iran ọkpa i dekan ihẹ nii ne iran ya kpa emwa ihẹ.

Iyẹn ne ọ Maan Ọghe Jọn 6:37

Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.

Iyẹn ne ọ Maan Ọghe Jọn 7:37

Ikpẹdẹ ne okiekie ọghe emwiukpo ọrọre ogiete ehia. Vbe ẹdẹ ni zẹẹ, Jesu keghi kpaegbe mudia, ọ na davan wẹẹ, “Ọmwaikọmwa ne ohanmwẹ amẹ gbe, wẹ ne ọ bu mwẹ gha dee ne ọ do wọn. (

Iwinna 15:10

Rhunmwuda ọnii nian, de emwi ne ọ ghi si ẹe ne uwa na danmwẹ Osanobua ghee vbe ekpa ne uwa gha na kun ihẹ ne a vbe erha mwa odede, ra ma tobọ mwa ma sẹtin mu yan ivbi yayi uhunmwu?

Iwinna 20:35

Vbe uwu emwi hia, I rhie ma uwa wẹ vbe nian ọre ọ kere ne I ma kakabọ gha winna ne a miẹn ehe na ye iran ni ma wo vbe egbe obọ. Wa ye ẹmwẹ ne Nọyaẹnmwa Jesu tobọ ẹre ta ẹe rre wẹẹ, ‘Ne a gha rhie ne emwa ọvbehe ọre ọghọ ye sẹ ne a gha ghe emwa ọvbehe obọ.’ ”

Galatia 5:1

Ọdakha egbe mwa ma ye. Kristi rhan ima nẹ. Rhunmwuda ọnii nian, wa mudia zẹ vbe emwa ni rre ọdakha egbe iran, ne uwa ghẹ ghi gie a dọlegbe ya uwa khian eviẹn.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.