Matiu 11:27 - Edo Bible (E Baibol Ẹdo) Version 1996

²⁷ “Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Matiu 11:27 ပူးပေါင်းရင်းမြစ်များ

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Iyẹn ne ọ Maan Ọghe Jọn 10:15

Zẹ vbene Evbavba rẹn mwẹ, ne imẹ na vbe rẹn Evbavba, erriọ zẹẹ mẹ rẹn avbe ohuan mwẹ, iran vbe rẹn mwẹ, mẹ vbe mu egbe ne I ya wu ba ẹmwẹ iran.

Iyẹn ne ọ Maan Ọghe Jọn 13:3

Jesu rẹnrẹn ighe asẹ hia ọre Evbavba wa rhie ne irẹn, ọ rẹnrẹn ighe ehe ne Osanobua ye ọre irẹn ke gha dee, kevbe wẹ te irẹn vbe bu Osanobua khian.

Iyẹn ne ọ Maan Ọghe Jọn 17:6

“Mẹ rhie ruẹ ma iran ne uwẹ hannọ ke uwu agbọn ladian nẹ. Ọghuẹ iran khin, wẹ keghi viọ iran mẹ, iran vbe ru nẹ zẹ vbe ne u gie.

Iyẹn ne ọ Maan Ọghe Jọn 3:35

Erha ho ẹmwẹ Ovbi ẹre, ọ keghi viọ emwi hia ye ẹtin ẹnrẹn obọ.

Iyẹn ne ọ Maan Ọghe Jọn 6:46

Ọna ma rhie ma ighẹ ọmwa ne ọ he miẹn Evbavba rrọọ: rẹn ni ne ọ ke ehe ne Osanobua ye gha dee ọkpa ọre ọ he miẹn Evbavba.

Iyẹn ne ọ Maan Ọghe Jọn 7:29

Sokpan mẹ rẹn ọnrẹn, rhunmwuda ehe ne ọ ye mẹ ke gha dee, rẹn ọre ọ gie mwẹ.”

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.

I Jọn 2:23

Rhunmwuda, ọmwa ne ọ ma rhan obọ miẹn Ọmọ, ọ ma rhan obọ miẹn Erha, ọmwa ne ọ rhan obọ miẹn Ọmọ, Erha wa vbe guẹe rrọọ ba re.

II Jọn 1:9

Ọmwaikọmwa ne ọ ma rhie owẹ lele emwi ne Jesu ma emwa ẹre, sokpan ọ keghi fian yan rẹn, ẹ i mwẹ Osanobua. Sokpan ọmwa ne ọ rhie owẹ lele emwi ne ọ ma emwa ẹre, ọ mwẹ Erha kevbe Ọmọ.