Matiu 11:25 - Edo Bible (E Baibol Ẹdo) Version 1996

²⁵ Vbe ẹghẹ ọkpa ni, Jesu keghi kha wẹẹ, “Evbavba Nọyaẹnmwa ẹrinmwi kevbe agbọn, I kpọnmwẹ ọn rhunmwuda, emwi ne uwẹ rhie lẹre ne iran ne umẹwaẹn kevbe ni rẹn emwi, u keghi rhie ẹre ma iran ni ma rẹn emwirhọkpa.

Matiu 11:25 ပူးပေါင်းရင်းမြစ်များ

Gẹnẹsis 14:19

ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram!

Gẹnẹsis 14:22

Sokpan Ebram keghi wanniẹn wẹẹ, “Ekhọekekhọe ọre i wa ya vẹn ihẹn vbe odaro Nọyaẹnmwa Osanobua Nọyosẹ, ọmwa ne ọ yii ẹrinmwi kevbe agbọn.

II Ọba 19:15

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ne ọ tota ye ẹkete ẹre vbe odukhunmwu emwi ni zẹ ifuẹn nii, wẹ ọkpa kẹkan ọrọre Osanobua, wẹ ọ re ọ vbe khaemwisẹ yan arriọba otọ agbọn hia. Wẹ ọ re ọ yi otọ kevbe iso.

I Krọnikol 29:13

Banbanna nian, Osanobua mwa, ma rhie ekpọnmwẹ ne uẹn, ma kevbe rho eni ruẹn ne ọ mwẹ uyi.

Job 37:24

Ẹkhabe ne ohan rẹn na mu emwa hia, ne ẹ i na vbe zẹ ye iran ẹre ighẹ iran ni wẹ iran wan.”

Psalm 8:2

Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

Aizaia 5:21

Ọghe uwa fo nẹ! Wa ro ighe uwa wan, ighe uwa guẹ emwi gbe.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Daniẹl 2:23

I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 21:16

Iran tama Jesu wẹẹ, “Wẹ họn ẹmwẹ ne iran ta yi?” Jesu wanniẹn tama iran wẹẹ, “I wa họn ẹsẹse. Wa ma he tie ebe ne ọ khare wẹẹ, ‘Wa ma ibiẹka kevbe emobọ ẹmwẹ urhomwẹ ne ọ gbae.’ ”

Iyẹn ne ọ Maan Ọghe Luk 22:42

Ọ wẹẹ, “Evbavba, a deghẹ ọ yẹ ruẹ, mu ukpu na hin mwẹ obọ rre, vbene ọ rhirhi gha ye hẹ, ẹ i re ne I mẹ ho sokpan ne uwẹ ho ọre a gha ru.” [

Iyẹn ne ọ Maan Ọghe Luk 23:34

Jesu keghi kha wẹẹ, “Evbavba yabọ iran rhunmwuda iran ma rẹn emwi ne iran ru.” Iran keghi yan uta ye ukpọn rẹn, iran na gha ẹre ne egbe.

Iyẹn ne ọ Maan Ọghe Jọn 11:41

Iran keghi mu okuta nii hin rre. Jesu keghi tọn aro mu ghe odukhunmwu, ọ wẹẹ, “Evbavba, I kpọnmwẹ ọn ye ne u na danmwehọ mwẹ.

Iyẹn ne ọ Maan Ọghe Jọn 12:27

“Ekhọe mwẹ wa rhia nian, vbe i a ra miẹn ta yi, te I ghẹ ghi kha wẹẹ, ‘Erha mwẹ ghẹ gie emwi na rruan mwẹ?’ Sokpan, rhunmwuda ọnii ọre I na rre ne I miẹn ehe na do ya egbe miẹn oya na.

Iyẹn ne ọ Maan Ọghe Jọn 12:28

Evbavba, rhie uyi ne eni ruẹn!” Ẹghẹ nii ọre urhu ọkpa na ke ẹrinmwi guan rre wẹẹ, “I ka rhie uyi naẹn nẹ, I gha ye vbe dọlegbe rhie uyi ne ẹn.”

Iwinna 17:24

Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya.

I Kọrinti 2:10

Sokpan Osanobua la ekpa Orhiọn ta oro ọghọe ma ima nẹ, Orhiọn Ne ọ huanrẹn ọre ọ gualọ otọ emwi hia, uhin ya sẹ egbe emwamwa ẹkhokho ne ọ rre Osanobua ekhọe.

II Kọrinti 3:14

Vbe ẹmwata, te a rhie emwi rhu iran ekhọe, ye do sẹ ẹdẹ nẹ rẹ na, te a ye rhie ukpọn nii rhu iran ekhọe vbe iran a gha tie ehe ile nẹdẹ. Ọmwa gha ghi ya egbe ba Kristi nẹ ọkpa, ọre a ghi na rhie ukpọn nii hin rre.

I Samuẹl 2:18

E Samuẹl ne ọmọ okpia nii, kegha ga e Nọyaẹnmwa vbe Siailo, ọ ghi mu adaghọ eto ovbiohuẹ rhuan.