Matiu 11:21 - Edo Bible (E Baibol Ẹdo) Version 1996

²¹ “Ọ suẹ Korazin! Ọ suẹ Bẹtsaida! Akpawẹ te a winna iwinna ọyunnuan ne a winnaẹn vbe uwu uwa vbe Taia kevbe Saidọn, ẹ i re eban iran ghẹ ghi viọ osọnmwẹ ukpọn ye egbe, zẹ emuẹn yan uhunmwu ne iran ya rhie ma ighe iran zobọ vbe orukhọ ne iran te ru.

Matiu 11:21 ပူးပေါင်းရင်းမြစ်များ

Job 42:6

Rhunmwuda ọnii, ekhue ẹmwẹ ne I talọe hia mu mwẹ. I roiro fiwerriẹ vbe uwu ebubẹ kevbe emuẹn.”

Jerimaia 13:27

Ọ miẹn Vbe uwa ru emwi ne ẹ i ye ọre nẹ. Ọ miẹn ọẹn vbe uwa lele avbe ẹbọ iran ni ma yayi vbe avbe uhunmwu oke kevbe oha, zẹ vbe ọmwa ne ọ fifi lele amwẹ ọsiọre ra ẹsin ọwẹe ne ọ kpe lele ẹsin amwẹ. Ivbi e Jerusalẹm, wa wiri, de ẹghẹ ne uwa gha ya huan?

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Emọs 1:9

E Nọyaẹnmwa khare wẹẹ, “Te ivbi e Taia wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran wa viọ emwa hia ni rre ẹvbo ohoho kpao gha rrie iwe vbe Idọm, ọ ma ghi ye ebe ọseagbakhin ne iran gha rhie obọ yi.

Matiu 11:22

U ghi vbe rẹn nian wẹ, ọ gha sẹ Ẹdẹ Ibuohiẹn, Osanobua gha tohan Taia kevbe Saidọn sẹ uwa.

Matiu 15:21

Jesu ghi kpao vbe evba rre, ọ kegha rrie ẹvbo ni rre odẹ Taia kevbe Saidọn.

Matiu 18:7

Ohan agbọn to mwẹ rhunmwuda avbe emwi ne ọ de ọmwa odẹ ni rrọọ. Ẹ i mwẹ ne emwi ni si ọmwa fi orukhọ ghẹ sunu. Sokpan u miẹn vbe ọ gha ba so ọmwa ne ọ la obọ ẹre sunu hẹẹ.

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Iyẹn ne ọ Maan Ọghe Mak 3:8

Eso ke Jerusalẹm kevbe isoko Idumia, kevbe ẹvbo ni rre iyeke nọkpa ọghe Jọdan kevbe iwewe Taia kevbe Saidọn. Emwi ne ọ ya iran na hia gha dee ọrọre otiti Jesu ne iran họn ẹn.

Iyẹn ne ọ Maan Ọghe Mak 6:45

Vbe ọwarọkpa nii, Jesu keghi we nẹ avbe erhuanegbe la okọ ke odaro ne irẹn gha rrie Bẹtsaida ne ọ rre iyeke odighi nọkpa, ne irẹn zẹ avbe emwa ni urrie.

Iyẹn ne ọ Maan Ọghe Mak 7:24

Jesu keghi kpao vbe evba gha rrie avbe ẹvbo ni lẹga Taia. Ọ keghi la uwu owa ọkpa, ọ ma vbe ho ne ọmwa rhọkpa rẹn ighẹ rẹn rre evba, sokpan ọ ma gia rhie lẹre.

Iyẹn ne ọ Maan Ọghe Mak 7:31

Jesu keghi kpao vbe isoko Taia, ọ na la Saidọn defi ọkpẹn odighi e Galili vbe ọ la Odẹ Ẹvbo Igbe gberra nẹ.

Iyẹn ne ọ Maan Ọghe Mak 8:22

Ugbẹn vbe iran sẹ Bẹtsaida, iran rhie okpia ọkpa ne ọ rhu aro bu ẹre rre, iran rinmwian ẹn wẹ ne ọ ya obọ kan rẹn.

Iyẹn ne ọ Maan Ọghe Luk 4:26

Sokpan ne a gie Elaija bu i rrọọ gberra ẹgbẹ nii ne ọ rre Zẹrafat vbe otọe Saidọn.

Iyẹn ne ọ Maan Ọghe Luk 6:17

Jesu keghi deba iran tuorre vbe uhunmwu oke, ọ keghi mudia ye ehe ne ọ rriẹe deba enibun vbe uwu avbe erhuanegbe ẹre. Emwa ni bun keghi rre evba, iran ni ke Judia rre kevbe Jerusalẹm, kevbe avbe eghute Taia kevbe Saidọn.

Iyẹn ne ọ Maan Ọghe Luk 9:10

Avbe ukọ keghi rre, iran keghi do na iyẹn emwi ne iran ru ma Jesu. Rẹn keghi viọ iran, rẹn vbe iran ọkpa, keghi gba gha rrie ẹvbo ne a tie ẹre Bẹtsaida.

Iyẹn ne ọ Maan Ọghe Jọn 1:44

Ovbi e Bẹtsaida ọre Filip khin, ẹvbo ni ọre Andru kevbe Pita vbe ye.)

Iyẹn ne ọ Maan Ọghe Jọn 12:21

Iran keghi bu Filip gha dee (ovbi ẹ Bẹtsaida ne Galili ọre irẹn khin,) iran tama rẹn wẹẹ, “Enọwanrẹn, ma ho ne ima miẹn Jesu.”

Iwinna 12:20

Ohu emwa Saidọn kevbe Taia keghi gha mu Hẹrọd, iran keghi si egbe koko ya miẹn ọẹn. Iran keghi ka de Blastọs ne ọka ẹguae ba egbe. Iran keghi bu Hẹrọd gha khian ya rinmwian ne ọ mu ẹzọ fua rhunmwuda, ẹvbo Ọba na ọre a ke hẹ evbare ne avbe ẹvbo na re rre.

Iwinna 27:3

Ẹdẹ ne ọ lele ẹe, ma keghi sẹ Saidọn. Juliọs keghi tohan Pọl, ọ na giee ya miẹn avbe esiọ re, ne iran miẹn ehe na we ehe ye ọre ẹkpo.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.