Matiu 11:19 - Edo Bible (E Baibol Ẹdo) Version 1996

¹⁹ Ovbi Ọmwa ghi vbe rre, ọ kegha re, ọ kegha da. Emwa ghi ra vbe kha, iran wẹẹ, ‘U ghe ẹre ighe ọmwẹko, ọdayọn, rẹn vbe iran ni koko igho uhunmwu kevbe avbe ẹwobi emwa ọre ọ gba mu obọ!’ Vbene ọ rhirhi a gha ye hẹ, emwi ne a ya ẹwaẹn Osanobua miẹn, ọre ọ kha ene unu ẹwaẹn Osanobua.”

Matiu 11:19 ပူးပေါင်းရင်းမြစ်များ

Psalm 109:20

E Nọyaẹnmwa, rria avbe eghian mwẹ ni ikhi vberriọ, iran ni wa ta egbe ẹmwẹ dan vberriọ ghe mwẹ!

Itan 17:24

Ọmwa ne ọ wan ghi gha rhie aro ye emwi ẹwaẹn ne ọ gha ruẹ, sokpan, akpa ghi wa obọ gba ehe hia.

Itan 23:21

Avbe ọdayọn kevbe emwa oregbe, ogue ọ re ọ ra gha ye. Adeghẹ u i miẹn emwi ne u rhie ru gberra ne u gha re ke ne u gha vbiẹ, osọnmwẹ ukpọn ọ re u ra do gha rhuan wanwan.

Matiu 5:46

De emwi ne Osanobua gha san ruẹn ẹse ba, deghẹ iran ni ho ẹmwẹ ruẹn ọkpa wẹ vbe ho ẹmwẹ ọnrẹn? Ẹ i re erriọ iran ni koko igho uhunmwu vbe ru!

Iyẹn ne ọ Maan Ọghe Luk 14:1

Ẹdẹ ọkpa, vbe Ẹdẹ Ikẹtin, Jesu keghi ya rri evbare vbe owa Farisi kpataki ọkpa, emwa ni bun kegha baba Jesu.

Iyẹn ne ọ Maan Ọghe Luk 19:7

Iran ne aro ẹre se ọe hia keghi suẹn gha gui ẹzọ uwu unu wẹẹ, “Oko na ya di owa ọmwa orukhọ ya!”

Iyẹn ne ọ Maan Ọghe Luk 7:29

Avbe emwa hia kevbe iran ni koko igho uhunmwu keghi danmwehọ ẹre. Iran na ọre ọ ru emwi ẹmwata ne Osanobua khama iran, e Jọn keghi vbe samẹ ne iran.

Iyẹn ne ọ Maan Ọghe Jọn 2:2

Iran keghi vbe tie Jesu kevbe avbe erhuanegbe ẹre ye nene irhiọha.

Ebe ne Pọl gbẹẹn gie emwa Rom 15:2

Sokpan ọ kere ne dọmwadẹ ọghọe vbe uwu ima gha ru ne ọ yẹ ọtiọnrẹn, ne umamwẹ ọnrẹn, ne a miẹn ehe na gbe ẹre igie vbe uwu iyayi.

Arhie Maan 7:12

Iran wẹ, “Isẹ! Ọghe Osanobua mwa ọre urhomwẹ, uyi, ẹwaẹn, ekpọnmwẹ, ọghọ ẹtin kevbe ẹrhiọn khin, ẹdẹ kevbe ẹdẹdẹmwẹdẹ Isẹ!”