Matiu 11:18 - Edo Bible (E Baibol Ẹdo) Version 1996

¹⁸ Vbe Jọn ne Ọsamẹ rre, ọ kegha yo aguẹ, ẹ i vbe da ayọn. Emwa ghi ra kha, iran wẹ, ‘Te ọ mwẹ orhiọn esu.’

Matiu 11:18 ပူးပေါင်းရင်းမြစ်များ

II Ọba 9:11

E Jehu keghi bu avbe ọkaokuo ne ihua ẹre gha khian, iran nọ rẹn wẹẹ, “Deghẹ ọ ye ẹse? Vbe ọmwẹmwẹ nii ya a ru yi?” E Jehu keghi wanniẹn wẹẹ, “Wa rẹn emwi ne ọ ho.”

Jerimaia 15:17

I ma lo ẹghẹ mwẹ ya tota ke emwa ọvbehe, ne a gba gha giẹ ra ne avbe gha zọmọ. Zẹ vbene u tama mwẹ, I keghi hẹko tota, mẹ ọkpa vbe ẹhi mwẹ, ohu keghi gba mwẹ ẹko.

Jerimaia 29:26

“E Nọyaẹnmwa ọ re ọ ya a rri ohẹn ye ihe Jehoiada, Banbanna nian, wẹ ọ re ọ ghi re enọwanrẹn avbe ohẹn vbe Ọgua Osa. Iwinna ruẹn nọ ne u miẹn ọmwẹmwẹikeọmwẹmwẹ ne ọ ba ru vbe akhasẹ, ne a ya ọgiọrọ rrọ ẹre, a ghi vbe mu odigba ematọn yọ ọre urhu.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Matiu 10:25

Ọmwa ne a ma ẹre emwi sẹtin hia ne ọ vba ne ọ ma ẹre emwi. Ra ne ọviẹn vba enarẹn. Adeghẹ iran tie ọdafẹn nọyan owa Bẹlzibọb, inu ghi nọ ne iran ni rre owa ni!

Matiu 11:17

‘Ma kpe ema irhiọha ne uwa, wa ma ku. Ma so ihuan irorinmwi ne uwa, wa ma viẹ.’

Matiu 3:4

Ukpọn ne a ye eto aranmwẹ oha do ọre Jọn na gha mu rhuan, ọ ghi mu ugbẹkun ohian gba ẹkun, evbare ne ọ re keghi re irhiso kevbe owọn oha.

Matiu 9:34

Sokpan avbe Farisi keghi kha wẹẹ, “Olotu avbe orhiọn esu ọre ọ rhie ẹtin nẹẹn ne ọ ya gha khulo avbe orhiọn esu ladian.”

Iyẹn ne ọ Maan Ọghe Mak 3:22

Avbe emamwaemwi Uhi eso ni ke Jerusalẹm rre kegha tae khian wẹẹ, “Bẹlzibọb ọre ọ hin ẹnrẹn.” Eso keghi vbe gha kha wẹ “Ọkaolotu avbe orhiọn esu ọre ọ rhie ẹtin nẹ ne ọ ya gha khulo avbe orhiọn esu ladian.”

Iyẹn ne ọ Maan Ọghe Luk 1:15

Rhunmwuda okpọmwa rẹn khian gha khin vbe odaro Osanobua. A ghẹ giee ye unu kan ayọn, a ma ghi wẹ ayọn ne ọ wo vbe egbe. Orhiọn Ne ọ huanrẹn gha hin yan rẹn wa ke ẹghẹ ne a ya biẹ ọe kpao.

Iyẹn ne ọ Maan Ọghe Jọn 10:20

Ni bun vbe uwu iran kegha kha wẹẹ, “Ọ mwẹ orhiọn esu, te ọ mwẹmwẹ, vbọzẹ ne uwa na rhie ehọ nẹ ẹn gha ta yi?”

Iyẹn ne ọ Maan Ọghe Jọn 7:20

Emwa ni gbe ẹbu ye evba tama rẹn wẹẹ, “U mwẹ Orhiọn esu, de ọmwa ne ọ ho ne ọ gbe uẹ ua yi?”

Iyẹn ne ọ Maan Ọghe Jọn 8:48

Avbe Ju wanniẹn Jesu wẹẹ, “U ghe ighe ẹmwata ma tae wẹ ovbi e Sameria ọre u khin ighe u vbe mwẹ orhiọn esu.”

Iyẹn ne ọ Maan Ọghe Jọn 8:52

Avbe Ju wanniẹn tama rẹn wẹ, “Aro ima dae nian ighe u gele mwẹ orhiọn esu. Ebraham wu, avbe akhasẹ vbe wulo, wẹ ghi ra kha, u wẹẹ, ‘Ọmwa ne ọ ya ẹmwẹ mwẹ ru emwi, ẹ i wu ẹdẹ.’

Iwinna 26:24

Ugbẹn vbe Pọl ghi zẹ ene unu ẹnrẹn vbe nian, Fẹstọs keghi wa van okan mu ẹn wẹ, “Te u mwẹmwẹ Pọl, Ebe ne u ruẹ gbe ọre ọ ra si emwẹmwẹ ye uẹ egbe na.”

I Kọrinti 9:27

I ghi liki egbe mwẹ ne ọ gbikpan, ne ọ miẹn ehe na gun mwẹ gha vbokho vbene I ho, ne a ghẹ miẹn wẹ, ugbẹn vbe imẹ ghi tie emwa rrie ọgbọ ne a si nẹ, mẹ tobọ mwẹ khian ne a rhie fua.