Matiu 11:17 - Edo Bible (E Baibol Ẹdo) Version 1996

¹⁷ ‘Ma kpe ema irhiọha ne uwa, wa ma ku. Ma so ihuan irorinmwi ne uwa, wa ma viẹ.’

Matiu 11:17 ပူးပေါင်းရင်းမြစ်များ

Gẹnẹsis 50:10

Ugbẹn vbe iran ghi sẹ ehe ne a na wiẹn ọka vbe Atad vbe olarre ovẹn Jọdan, iran keghi ru ugamwẹ irorinmwi ne ọ taẹn ẹsẹse, e Josẹf keghi ru iruemwi akhiẹ la ikpẹdẹ ihinrọn.

I Ọba 1:40

Ẹre iran hia na dọlegbe lele ẹe gha dee, iran kegha we uwemwẹ oghọghọ, iran na gha kpe ẹrogbo, iran keghi wee sẹrriọ wẹ te otọ gha mu rueghe.

Aizaia 30:29

Sokpan, wa ne emwa Osanobua gha ghọghọ, wa ghi vbe so ihuan zẹ vbene uwa ru vbe asọn ne uwa ru emwiukpo ne a ya ru ugamwẹ kpataki. Ọyẹnmwẹ ghi gha sẹ uwa zẹ vbe avbe emwa ni zẹ owẹ lele ẹrogbo ne a kpee vbe iran rrie Ọgua Osa ọghe Nọyaẹnmwa ne ọ re ne ọ gbinna ne Izrẹl.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Matiu 11:16

“De emwi ne I gha ya ivbiorre na gie? Iran yevbe ibiẹka ni tota vbe ẹki. Otu ọkpa ghi van okan mu nọkpa wẹẹ,

Matiu 11:18

Vbe Jọn ne Ọsamẹ rre, ọ kegha yo aguẹ, ẹ i vbe da ayọn. Emwa ghi ra kha, iran wẹ, ‘Te ọ mwẹ orhiọn esu.’

Matiu 9:15

Jesu wanniẹn tama iran wẹẹ, “Wa yayi ighe ọ kere ne emwa ne a tie do rri evbare irhiọha gha khiẹ vbe ọdafẹn ọha rre evba ra? Hiehie re! Sokpan ẹghẹ dee ne a gha na rhie ọdafẹn ọha hin ehe ne iran ye rre, ẹghẹ ni, iran sẹtin gha ya ohanmwẹ rrie egbe.

Matiu 9:23

Iyeke ọnii, ọre Jesu na gha rri owa olotu ni, ọ keghi do vba iran ni kpe ema irorinmwi kevbe emwa nibun ni hẹ yo hẹ rre.

Iyẹn ne ọ Maan Ọghe Luk 15:25

“Vbe ẹghẹ ne a kha na, ovbi ẹre ne ọdiọn ye rre ugbo. Ugbẹn vbe ọ ghi die owa, ọ ghi sẹ ọkpẹn owa, ọ keghi họn urhu ema kevbe iku.

Iyẹn ne ọ Maan Ọghe Luk 23:27

Emwa ni bun keghi wa bi lele ẹre iyeke, ikhuo eso keghi rrọọ, iran kegha viẹ, iran kegha go lele ẹe khian.

Iyẹn ne ọ Maan Ọghe Luk 7:32

Iran ye vbe ibieka ni tota vbe ẹki, otu ọkpa ghi van mu enọkpa wẹẹ, ‘Ma kpe ema irhiọha ne uwa, wa ma ku! Ma so ihuan orinmwi, wa ma viẹ!’

Iyẹn ne ọ Maan Ọghe Luk 8:52

Emwa ni rre evba hia kegha viẹ, iran gha khiẹ ọmọ nii, Jesu keghi kha wẹẹ, “Wa ghẹ ghi viẹ, ọmọ na ma wu, te ọ vbiẹ kẹkan!”