Matiu 11:14 - Edo Bible (E Baibol Ẹdo) Version 1996

¹⁴ Adeghẹ wa gha ya ẹmwẹ iran yi, e Jọn ọrọre Elaija ne iran khare ighẹ ọ dee.

Matiu 11:14 ပူးပေါင်းရင်းမြစ်များ

Ezikiẹl 2:5

A deghẹ iran ne etẹ nii ghi họn ra iran ma họn, iran gha rẹn wẹ, akhasẹ rre ehe ne iran ye.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Malakai 4:5

Sokpan, vbene ẹdẹ nọkhua ne ọ muohan ọghe Nọyaẹnmwa te do rre, I gha gie Elaija ne akhasẹ bu uwa gha dee.

Matiu 11:13

Ọ te do sẹ ẹghẹ e Jọn, avbe akhasẹ kevbe Uhi e Mosis, ẹmwẹ Arriọba ni ọre iran gha ta.

Iyẹn ne ọ Maan Ọghe Luk 1:17

Rẹn gha ladian zẹ vbe akhasẹ Osanobua ne ọ wo vbe egbe kevbe ne ọ mwẹ ẹtin zẹ vbe Elaija ne akhasẹ. Rẹn gha dọlọ erha kevbe emọ kugbe. Iran ni ze vbe ẹkoko udu, ọ gha fi iran ekhọe werriẹ ne iran gha ro iro zẹ vbe adazẹ ọmwa. Ọ gha mu emwa Nọyaẹnmwa egbe ye otọ khẹ ọre.”

Iyẹn ne ọ Maan Ọghe Jọn 16:12

“I wa mwẹ, ẹmwẹ ni bun ne I gha gu uwa guan, sokpan egbe uwa i ra sẹtin rrọ ẹre nian.

I Kọrinti 3:2

I vbe ya ewẹn gha koko uwa rhunmwuda wa ma he sẹ ne ọ rri evbare ne ọ wo vbe egbe. Do sẹ wanwanna, wa ma he sẹ.

Arhie Maan 20:4

Vbe iyeke ọnii, I keghi do bẹghe avbe ẹkete kevbe iran ni tota yọ, a keghi rhie ẹtin ne iran, ne iran ya gha bu ohiẹn, I keghi vbe bẹghe orhiọn avbe emwa ne a gbele ba ẹmwẹ wẹ, iran kpe orhu ẹmwata ne Jesu rhie rre kevbe ẹmwẹ Osanobua. Iran ma ya uhunmwu rhanmwẹ otọ ne aranmwẹ oha nii, ra amazẹ ọre, ra a ma wẹ ne a vin ama aranmwẹ oha nii ye iran uharo ra obọ. Iran keghi gu Kristi gha rrọọ, iran keghi vbe gu ẹe khaemwisẹ zẹ vbe ọba la ukpo arriaisẹn nii.