Matiu 10:8 - Edo Bible (E Baibol Ẹdo) Version 1996

⁸ Wa mu iran ni khuọnmwi egbe rran, huẹn iran ni wulo kpaegbe, wa khue avbe ekhọnmwoti huan, wa khulo avbe orhiọn esu ladian. Te a rhie ne uwa ọghe ọhẹ, ọhẹ ọre uwa vbe rhie ẹre ne emwa ọvbehe.

Matiu 10:8 ပူးပေါင်းရင်းမြစ်များ

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Nọmbas 18:7

Sokpan wẹ kevbe avbe ivbuẹ ọkpa ọre ọ gha winna iwinna ohẹn ne ọ dekan aka kevbe uwu ehe Ne ọ Huan Sẹẹ Ehia. Iwinna ne ọ bi yuẹ egbe ọre ena khin, rhunmwuda mẹ rhie ọhẹ ọghe ukpo ohẹn nuẹn nẹ. Ọmwa ne ọ ma kei, ne ọ sikẹ avbe emwi ne ọ huanrẹn, a ghi gbẹe rua.”

Matiu 10:1

Jesu keghi tie iran iweva ne erhuanegbe ẹre si koko. Ọ rhie ẹtin ne iran ne iran ya gha khulo avbe orhiọn esu ladian, ne iran gha sinmwi emwa nikhuọnmwi kevbe ni huẹhuẹ hia.

Matiu 10:7

Wa ya kporhu wẹẹ, ‘Arriọba ẹrinmwi sẹ otọ fo.’

Matiu 10:9

Wa ghẹ viọ igoru, igho ẹrọnmwọ ra oze ye ẹkpo.

Iyẹn ne ọ Maan Ọghe Mak 16:18

Iran gha ya obọ mu ẹyẹn ra te iran rri eruan, ẹ i ru iran emwi rhọkpa. Iran gha viọ obọ iran yan avbe ọkhọnmwọ, egbe ghi rran iran.”

Iyẹn ne ọ Maan Ọghe Luk 10:9

Wa sinmwi avbe ọkhọnmwẹ ni rre ẹvbo nii, wa ghi vbe khama emwa ni rrọọ wẹẹ, ‘Arriọba Osanobua sikẹ uwa nẹ.’

Iwinna 3:6

Pita wanniẹn tama rẹn wẹẹ, “I i mwẹ igho vbe emwa, sokpan emwi ne I mwẹ, I gha rhie nuẹn, Vbe eni Jesu Kristi ovbi e Nazarẹt, I tama ruẹn kpaegbe ne u khian.”

Iwinna 4:30

Nien obọ ruẹ ladian ne u ya ẹe mu emwa egbe rran, vbe rhie ne ima ne a gha ye eni Jesu, Ọguọmwadia ruẹ ne ọ huanrẹn winna iwinna ama kevbe ọyunnuan.”