Matiu 10:6 - Edo Bible (E Baibol Ẹdo) Version 1996

⁶ Wa bu ohuan ni wiri ni rre ivbi Izrẹl gha khian.

Matiu 10:6 ပူးပေါင်းရင်းမြစ်များ

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Jerimaia 50:6

“Avbe emwa mwẹ yevbe avbe ohuan ne ni su ẹe gie ẹ wii ye uhunmwu oke. Iran hẹ yo hẹ rre ke oke ọkpa ya sẹ ọvbehe zẹ vbe avbe ohuan, iran mianmian ehe ne owa iran ye nẹ.

Ezikiẹl 34:16

“I gha gualọ ni wiri vbọ, I ghi viọ iran ni bibi odẹ vbọ werriegbe rre, I gha gbalọ ẹwẹn iran ni kuan egbe vbọ, I ghi vbe sinmwi iran ni khuọnmwi, sokpan, I gha fuẹn ni ti ye egbe kevbe ni wegbe vbọ hin rre, rhunmwuda, ọsuohuan ne ọ ru emwi ne ọ gbae mẹ khin.

Ezikiẹl 34:4

“ ‘Wa ma gbearoghe iran ni ma wegbe, wa ma sinmwi iran ni khuọnmwi vbọ, wa ma gba iran ni miẹn ikuangbe vbọ ẹwẹn. Wa ma ya viọ iran ni bibi odẹ vbọ werriegbe, ra ne uwa gualọ iran ni wiri vbọ viọ werriegbe rre. Sokpan, ne uwa gha na te ru vberriọ, wa keghi gha ru iran khọ.

Ezikiẹl 34:6

Avbe ohuan mwẹ kegha zozo lele avbe oke ni yo hia kevbe avbe oke nekhua, a zagha iran gba otọe hia, a ma miẹn ọmwa ne ọ gualọ iran, ra ne ọ gualọ iran miẹn.’

Ezikiẹl 34:8

Omwa vbene a na miẹn wẹ mẹ ọrọre Osanobua ne ọ rrọ, wa ghi hẹko danmwehọ mwẹ. Avbe aranmwẹ akọn dekun avbe ohuan gha gbele re, rhunmwuda ọsuohuan i rrọ. Avbe ọsuohuan mwẹ ma ho ne iran gualọ avbe ohuan. Iran kegha gbearoghe egbe iran, iran ma gbearoghe avbe ohuan.

Matiu 18:10

“Wa ghẹ zan ọkpa vbe uwu iran ne giẹrẹ na. Ne I tama uwa, ẹghẹ hia ọre odibosa iran ya mudia ye odaro Erha mwẹ ne ọ rre ẹrinmwi. [

Matiu 18:11

Rhunmwuda te Ovbi Ọmwa rre do miẹn iran ni wiri fan.]

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Iwinna 3:26

Ọnii ọ si ẹe ne Osanobua ghi na zẹ Ọguọmwadia ẹre nẹ, ọ keghi ka gie ẹe bu uwa gha dee ne ọ do fiangbe uwa vbe ekpa ne ọ gha na ya uwa hia fi iyeke gbe odẹ dan ne uwa te la khian.”

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.