Matiu 10:41 - Edo Bible (E Baibol Ẹdo) Version 1996

⁴¹ Ọmwa ne ọ miẹn ọguọmwadia Osanobua yi rhunmwuda ighẹ ọguọmwadia Osanobua nọ, ọ gha ghae vbe ere ẹre. Ọmwa ne ọ vbe miẹn ọmwa esi yi rhunmwuda ighẹ ọmwa esi nọ, ọ gha vbe ghae vbe ere ẹre.

Matiu 10:41 ပူးပေါင်းရင်းမြစ်များ

Gẹnẹsis 20:7

Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 25:44

Ẹkpo nii iran ghi wanniẹn tama rẹn wẹẹ, ‘Nọyaẹnmwa, de ẹghẹ ne ima ya miẹn uẹn vbe ohanmwẹ gbuẹ ne ima ma na rhie evbare nuẹn, ra vbe ohanmwẹ amẹ gbuẹ, ra zẹ vbe erhunmwuyẹn ra vbe u rre irhunmwirhun ra vbe u khuọnmwi ra vbe u rre uwu eghan ne ima ma na ru iyobọ nuẹn?’

Matiu 25:45

Ọba ghi wanniẹn tama iran wẹẹ, ‘Ne I tama uwa, ẹghẹ ne uwa ma na ru ẹe ne ọkpa vbe uwu iran ne a i mobọ ka yọ ni, mẹ ọre uwa ma ru iyobọ na.’

Matiu 6:1

“Mu egbe ruẹ ye ọghọ ne iwinna ugamwẹ iyayi ruẹ ghẹ gha re ọghe nababẹghe mwẹ, ọ gha khian ọghe ne a ya voro vberriọ nẹ, Erhaa ne ọ rre ẹrinmwi i ghi san ruẹ ẹse.

Matiu 6:18

ne emwa ọvbehe ghẹ rẹn ighe aguẹ ọre u ye, na miẹn wẹ Erhaa ne a i bẹghe ọkpa ọre ọ rẹnrẹn. Erhaa ne ọ rẹn emwi ne u ru vbe ẹkhokho gha san ruẹn ẹse.

Matiu 6:4

Erhaa ne ọ bẹghe emwi ne u ru vbe ẹkhokho de ra do san ruẹ ẹse.

Matiu 6:6

Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.

Matiu 7:8

Rhunmwuda ne ọ nọrẹn ọre a rhie na, ne ọ gualọe ọre ọ miẹn, ne ọ sobọ ọre a kie na.

Iwinna 16:15

A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Ebe ne Pọl gbẹẹn gie emwa Rom 16:23

Gaiọs ne imẹ di owa ẹre ya, ọmwa ne a do esọsi vbe owa ẹre we uwa do, Ẹrastọs ne ọ da igho yi ne ẹvbo kevbe ọtẹn mwa Kuatọs we uwa do. [

I Kọrinti 9:17

A deghẹ ekhọe obọ mwẹ ọre I ya winna, I sẹtin rhie aro yọ wẹ a gha ha mwẹ osa, sokpan ugbẹn vbe a miẹn wẹ iwinna ne ọ khẹ ke mwẹ nọ, ọnii rhie maa wẹ te I ru ẹe zẹ vbe okhuo ne a fian mẹ.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.

II Jọn 1:8

Wa ghi khẹ yegbe nian khekherriọ, ne uwa ghẹ ya mu emwi ne uwa winna yi nẹ fua, sokpan ne ere ne ọ rrọọ sẹ uwa obọ vbe ne ọ vuọẹn.