Matiu 10:4 - Edo Bible (E Baibol Ẹdo) Version 1996

⁴ Saimọn ne Oya a ya sinmwi ẹvbo ọmwa kevbe Judas Iskariọt, ọmwa ne ọ rhie Jesu maa.

Matiu 10:4 ပူးပေါင်းရင်းမြစ်များ

Matiu 26:14

Ẹkpo nii ọre ọkpa vbe uwu iran ne erhuanegbe iweva, ne a tie ẹre Judas Iskariọt na bu avbe igie ohẹn gha khian.

Matiu 26:15

Ọ tama iran wẹẹ, “I gha rhie Jesu ye uwa obọ, de emwi ne uwa gha rhie mẹ?” Iran keghi ka agiẹghẹ igho ẹrọnmwọ ọgban hẹ ye orre obọ.

Matiu 26:2

“Wa rẹnrẹn ighe irakhuẹ ọrọre ẹdẹ Emwiukpo Alagberra, a gha rhie Ovbi Ọmwa ladian ne akan rẹn mu ugbugbe.”

Matiu 26:47

Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee.

Matiu 27:3

Ugbẹn vbe Judas ne ọ rhie ẹre maa ghi miẹn ighe iran bu ohiẹn uwu gbe Jesu, ọ roiro fi ekhọe werriẹ, ọ keghi viọ igho ẹrọnmwọ ọgban nii werriegbe gie avbe igie ohẹn kevbe avbe eniwanrẹn, ọ wẹẹ,

Iyẹn ne ọ Maan Ọghe Mak 14:10

Judas Iskariọt, ọkpa vbe uwu iran ne erhuanegbe iweva keghi bu avbe igie ohẹn gha khian ne ọ miẹn ehe na rhie Jesu ye iran obọ.

Iyẹn ne ọ Maan Ọghe Mak 14:43

Te Jesu he wa ye guan vbe Judas, ọkpa vbe uwu iran ne iweva sẹ evba. Emwa ne avbe igie ohẹn, kevbe iran ni ma emwa Uhi kevbe avbe ediọn gie, keghi viọ umozo kevbe orhokhua mwẹ obọ lele ẹe gha dee.

Iyẹn ne ọ Maan Ọghe Luk 22:3

Setan keghi la uwu Judas ne a tie ẹre Iskariọt, ọkpa vbe uwu iran ne iweva.

Iyẹn ne ọ Maan Ọghe Luk 22:47

Vbene ọ wa guan ni, emwa ni bun keghi rre, “Judas, ọkpa vbe uwu iran ne iweva ọ re ọ ma iran odẹ, ọ keghi bu Jesu gha dee ne ọ do mu unu soso ẹre unu.

Iyẹn ne ọ Maan Ọghe Jọn 13:2

Jesu kevbe avbe erhuanegbe ẹre keghi rri evbare ota. Esu wa tae nẹ wẹẹ Judas ne ovbi e Saimọn Iskariọt ọre ọ gha rhie Jesu ma.

Iyẹn ne ọ Maan Ọghe Jọn 6:64

Sevba, eso vbe uwu uwa ma he ye yayi.” (Rhunmwuda Jesu wa rẹn iran ne ẹ i ra yayi ke omuhẹn gha dee kevbe ọmwa ne ọ gha rhie ẹre maa.)

Iyẹn ne ọ Maan Ọghe Jọn 6:71

Judas ne ovbi Saimọn Iskariọt ọre ọ gha kha. Rhunmwuda Judas rhe re ọkpa vbe uwu iran ne iweva rẹn ọre ọ ra rhie ẹre ma an.

Iwinna 1:13

Iran la Jerusalẹm, iran kegha rrie owa ne iran dia: Pita, Jọn, Jems, kevbe Andru, Filip kevbe Tọmọs kevbe Batolomiu kevbe Matiu, Jems ne ovbi Alfiọs, Saimọn, ne ọya a ya sinmwi ẹvbo ọmwa, kevbe Judas ne ovbi e Jems.

Iwinna 1:25

Ne ọ mudia vbe uwu iwinna ukọ na, ye ihe ne Judas sẹrae gha rrie ehe ne ọre ọghọe.”