Matiu 10:38 - Edo Bible (E Baibol Ẹdo) Version 1996

³⁸ Ọmwaikọmwa ne ọ ma mu ugbugbe ẹre ne ọ gha lele ukpowẹ mwẹ, ọ ma ke vbe ọghomwẹ.

Matiu 10:38 ပူးပေါင်းရင်းမြစ်များ

Matiu 16:24

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Matiu 27:32

Ugbẹn vbe iran ghi ladian, iran miẹn ọmwa Sairin ọkpa ne a tie ẹre Saimọn, iran keghi ya ẹtin mu ẹn ne ọ mu ugbugbe Jesu.

Iyẹn ne ọ Maan Ọghe Mak 10:21

Jesu keghi ghe ẹre, ọ ho ẹmwẹ ọnrẹn, ọ keghi tama rẹn wẹẹ, “Emwi ọkpa ọ ghi kẹ ruẹ yi, ya khiẹn emwi ne umwẹ hia, ghae igho ẹre ne avbe ivbiogue, ne u gha mwẹ ẹfe vbe ẹrinmwi, u ghi gha dee ne u do gha lele mwẹ khian.”

Iyẹn ne ọ Maan Ọghe Mak 8:34

Ẹkpo nii Jesu ghi na tie emwa ni gbe ẹbu ye evba kevbe avbe erhuanegbe ẹre rrie egbe, ọ tama iran wẹẹ, “Deghẹ ọmwaikọmwa ho ne ọ lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Iyẹn ne ọ Maan Ọghe Luk 14:27

Ọmwa ne ọ ma mu ugbugbe ẹre ne ọ lele mwẹ, ẹ i sẹtin ru ọrhuanegbe mwẹ.

Iyẹn ne ọ Maan Ọghe Jọn 19:17

Ọ keghi ke odaro ne iran, ọ mu ugbugbe ẹre, ọ keghi do sẹ ehe ne iran tie ẹre “Isi Ugboloko Uhunmwu Ọmwa,” (ne iran tie ẹre “Gọlgọta” vbe ẹvbo Hibru.)