Matiu 10:36 - Edo Bible (E Baibol Ẹdo) Version 1996

³⁶ Ẹgbẹe ọmwa ọre ọ ra gha re oghian ne ọ khọ ẹko ọmwa sẹ.

Matiu 10:36 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

II Samuẹl 16:11

Ẹre Devid na tama Abisiai kevbe avbe ekhaẹmwẹ ọnrẹn hia wẹẹ, “Ovbi imẹ wẹ rẹn ra gbe mwẹ uan, vbọzẹ ne ẹmwẹ ovbi e Bẹnjamin na, na yan uwa unuan yi? Wa sẹ ọe rae ne uwa gie ẹe gha rhovbiẹ mwẹ, rhunmwuda, e Nọyaẹnmwa ọ re ọ gie ẹe.

Psalm 41:9

Uhin wẹ osẹ mwẹ ne ọ sikẹ mwẹ sẹẹ, ọmwa ne I mu ẹtin yan sẹẹ ọmwa ne ọ re vbe evbare mwẹ te ọ ghi mu aro da mwẹ.

Psalm 55:13

Sokpan, wẹ nọ, ogieva mwẹ, ihua mwẹ kevbe osẹ ne ọ sikẹ mwẹ.

Aizaia 19:2

E Nọyaẹnmwa khare wẹẹ, “I gha bọ Igipt ye igbinna owowa, I ghi viọ etẹn nikpia aro da etẹn iran nikpia, kevbe emwa ẹdogbo ẹre aro da emwa ẹdogbo ẹre ọvbehe. Avbe okpẹvbo ni gu egbe suan ghi gha gu egbe iran khọn, avbe ọba ni gu egbe suan ghi gba gha sinmwi ẹtin.

Jerimaia 12:6

Uhin ighe avbe etuẹn nikpia, emwa ẹgbẹe ruẹ rhie ruẹ ma, iran rhie obọ ba okhọn ne a gu uẹ khọn. Ghẹ mu ẹtin yan iran, ọ gha khọn iran ne iran gha ta ẹmwẹ ose.”

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Maika 7:6

Vbe agbọn ne a ghi ye na, emọ ikpia ghi ru avbe erha iran zẹ vbe akpa, emọ ikhuo ghi mu aro igbinna da iye iran, igbama ne ikhuo ghi gha gu iye ọdọ iran gui ẹzọ, emwa ẹgbẹe ọmwa ọrọre eghian rẹn.

Matiu 10:21

“Emwa gha silo etẹn iran ladian ne a gbelua, erriọ ọre erha gha vbe ru emọ. Emọ gha mu aro da erha iran, iran ghi gbele iran an.

Iyẹn ne ọ Maan Ọghe Jọn 13:8

Pita keghi tua unu mu ẹn wẹ, “Ẹghẹ ọkpa i rrọ ne u gha ya kpe mwẹ owẹ!” Jesu tama rẹn wẹ, “A deghẹ, mẹ ma kpuẹ owẹ, u i sẹtin gha re ọrhuanegbe mwẹ.”

I Samuẹl 17:28

Eliab ne ọtẹn e Devid ne ọdiọn keghi họn vbe ọ gu emwa nii guan. Ohu ẹre keghi mu ẹẹn, ọ na tama rẹn wẹẹ, “Vbe u a ru vbe emwa na yi? De ọmwa ne u sẹ avbe ohuan ni rae na vbe uwu oha yi? U ghe ẹre ighẹ gie aro mwẹ sẹ! Ghe ẹhi ẹre, okuo ọ re ọ rre do ghe!”