Matiu 10:28 - Edo Bible (E Baibol Ẹdo) Version 1996

²⁸ Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Matiu 10:28 ပူးပေါင်းရင်းမြစ်များ

II Ọba 17:39

Mẹ ne Nọyaẹnmwa ne Osanobua uwa ọre uwa gha họn ẹmwẹ na, ẹghẹ nii mẹ gha miẹn uwa fan hin obọ avbe eghian uwa hia rre.”

Job 37:24

Ẹkhabe ne ohan rẹn na mu emwa hia, ne ẹ i na vbe zẹ ye iran ẹre ighẹ iran ni wẹ iran wan.”

Psalm 119:120

Ohan mu mwẹ rhunmwuda ruẹ, ohan gba mwẹ ẹko rhunmwuda ibuohiẹn ruẹn.

Asan-Ibo 5:7

Vbene ọ khọn ruẹn u mina sẹ hẹ, vbene u a rhirhi miẹn ẹsọn kua sẹ hẹ, ra ne u talọ sẹ hẹ, ọ kere ne u ye gha mu ohan Osanobua.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Matiu 10:26

“Rhunmwuda ọnii, wa ghẹ mu ohan emwa. Emwi ne a guere hia gha khian ne a we rua, emwi ẹkhokho hia gha khian ne a rẹnrẹn.

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Iyẹn ne ọ Maan Ọghe Jọn 5:29

iran ghi ke unu idin iran ladian, a gha huẹn iran ni ru ẹse kpaegbe ne iran gha rrọọ, a gha huẹn iran ni ru emwi dan kpaegbe, a ghi bu abe gbe iran.

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

Hibru 10:31

Ọkpan udu nọ, deghẹ a defi Osanobua nọ rrọọ obọ!

Hibru 11:35

Vbe ekpa iyayi, a keghi huẹn ivbi ikhuo ni te wulo nẹ kpaegbe viọ ne iran. Eso vbọ keghi he vbe a te ra fannọ iran kua, iran keghi wulo ye uwu ekuẹnkuẹn, ne a miẹn ehe na huẹn iran ye arrọọ ne ọ maa sẹ ọnii.

Jems 4:12

Osanobua ọrọre ne ọ yi uhi kevbe ne ọ bu ohiẹn. Rẹn ọkpa kẹkan ọre ọ sẹtin miẹn emwi fan kevbe ne ọ vbe sẹtin fuẹn ọnrẹn uan. Vbe uwa a tie egbe ruẹ re yi ne u na bu ohiẹn ihua a?

I Pita 3:14

Sokpan, gie a kha ighẹ te uwa gele rri oya ye ẹmwẹ emwi esi ne uwa ru, ọma kaan uwa! Wa ghẹ fian afianma ọmwa rhọkpa, wa ghẹ vbe si osi.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.