Matiu 10:27 - Edo Bible (E Baibol Ẹdo) Version 1996

²⁷ Emwi ne I tama uwa vbe ebiebi, wa gha rrie azagba ya tae ladian, emwi ne uwa họn ẹn vbe ẹkhokho, wa ya wewẹe vbe ẹrhunrhun owa.

Matiu 10:27 ပူးပေါင်းရင်းမြစ်များ

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Matiu 24:17

Ọmwa ne ọ rre ẹrhunrhun owa ẹre, wẹ ne ọ ghẹ wẹ rẹn ra tuorre ya viọ emwi ẹnrẹn vbe uwu owa.

Iyẹn ne ọ Maan Ọghe Luk 12:3

Rhunmwuda ọnii, ẹmwẹ ne uwa tae vbe asọn, a gha họn ẹn vbe ogiavan ogioghogho, ẹmwẹ ne uwa khui urho mu unu ye ehọ tama ọmwa, a gha mu ẹn go vbe ẹrhunrhun owa.

Iyẹn ne ọ Maan Ọghe Luk 8:10

Jesu keghi wanniẹn wẹẹ, “A rhie ne uwa nẹ ne uwa rẹn oro ne ọ rre ẹmwẹ Arriọba Osanobua, sokpan itan ọre a ya tae ma emwa ọvbehe ne a miẹn wẹ iran gha tọn aro yọọ, sokpan iran i dẹghe, iran gha danmwehọ sokpan iran i rẹn evba yae kha.

Iyẹn ne ọ Maan Ọghe Jọn 16:1

“Te I ta ẹmwẹ na ma uwa ne uwa ghẹ ya ba odẹ ku.

Iyẹn ne ọ Maan Ọghe Jọn 16:13

Sokpan Orhiọn ẹmwata ni gha ghi rre, ọ gha gban uwa ghe ehe ne ẹmwata ye.

Iyẹn ne ọ Maan Ọghe Jọn 16:25

“Itan ọre I ya ta ẹmwẹ na hia ma uwa, sokpan ẹghẹ bu otọ ne I i ra ghi na ya itan guan sokpan I ghi wa gbe emwi hia ẹho rua ma uwa vbekpa ọghe Evbavba.

Iyẹn ne ọ Maan Ọghe Jọn 16:29

Avbe erhuanegbe ẹre wanniẹn tama rẹn wẹẹ, “Eban ọre u ghi gbe ẹmwẹ ẹho rua ma ima, ẹ i ghi re ne u na te ya itan guan.

Iwinna 17:17

Rhunmwuda ọnii rẹn keghi gu avbe Ju kevbe emwa ne ẹ i re Ju ni vbe ga Osanobua gha muan ẹmwẹ vbe Ọgua ediọn kevbe ada ẹdẹgbegbe, deba emwa ni ghi rrie evba nẹ hiehie.

Iwinna 5:20

“Wa gha rrie uwu Ọgua Osa ne uwa ya gu emwa hia guan vbe kpa arrọọ ọghe ọgbọn na.”

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

II Kọrinti 3:12

Rhunmwuda ighẹ ma mwẹ idanmwehọ na, ma keghi din ẹsẹse.