Matiu 10:23 - Edo Bible (E Baibol Ẹdo) Version 1996

²³ Deghẹ iran zẹ uwa owẹ vbe ẹvbo ọkpa, wa lẹ gha rrie ọvbehe. Ne I tama uwa, ẹ i kẹ uwa ya winna la otọe Izrẹl hia fo Ovbi Ọmwa ke rre.

Matiu 10:23 ပူးပေါင်းရင်းမြစ်များ

Jerimaia 26:21

Ugbẹn vbe Jehoiakim kevbe avbe ekhaẹmwẹ ọnrẹn kevbe ivbiyokuo ẹre họọn ẹmwẹ ne Uraia tae, ọba keghi te gha ho ne ọ gbẹe rua, sokpan, Uraia keghi họn, ohan na mu ẹẹn, ọ na lẹ fi Igipt.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 16:28

Sokpan wa ye rre o, emwa eso rre emwa na nian, ne ẹ i ra wu ọ te ya miẹn Ovbi Ọmwa vbe ọ gha rre zẹ vbe Ọba.”

Matiu 2:13

Ugbẹn vbe iran ghi kpao vbe evba nẹ, odibo e Nọyaẹnmwa keghi rhiegbe ma e Josẹf vbe imina, ọ tama rẹn wẹẹ, “Kpaegbe, mu ọmọ ni kevbe iye ẹe lẹ gha rrie Igipt, di evba ya I te do tama ruẹn ne ukpa vba. Hẹrọd gha gualọ ọmọ na ne irẹn gbe ẹe rua.”

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Matiu 23:36

Ne I tama uwa, orre na ọre ọ ra rrioya ye ẹmwẹ na hia!

Matiu 24:27

Rhunmwuda te Ovbi Ọmwa ra rre vbe ayan ne ọ yan gbe iso dunmwu ke ọlarre ovẹn ya sẹ ọlarrie ẹre.

Matiu 24:30

Ẹkpo ni ọre ama urremwẹ Ovbi Ọmwa gha na rhiegbe ma, vbe aro iso. Ẹghẹ ni, unu ne a zẹ hia ni rre otọ agbọn na, ghi gbe eve ua vbe iran a bẹghe vbe Ovbi Ọmwa a ya egbe ladian vbe odukhunmwu okuku ne ọ rre aro iso, ke irẹn kevbe ẹtin kevbe Uyi nọkhua.

Matiu 24:34

Wa rẹn nian wẹ, emwi na hia gha sunu avbe emwa ni rre agbọn ẹdẹnẹrẹ te do wulo fo.

Matiu 24:48

Sokpan, deghẹ ọguọmwadia dan nọ, rẹn ghi ye otọ ẹko ẹre kha wẹẹ, ‘Ọ gha kpee arowa mwẹ ke rre.’

Matiu 25:13

Jesu keghi gbẹe wanniẹn wẹẹ, “Rhunmwuda ọnii, wa gha ba egbe vbe ne uwa ma na rẹn ikpẹdẹ ra ẹghẹ ne ọ wa khin.

Matiu 26:64

Jesu wanniẹn wẹẹ, “Erriọ u tae, sokpan ne I tama uwa hia, ke ẹghẹ na kpao, wa gha miẹn Ovbi Ọmwa vbe ọ gha tota vbe obọ erha ọmwa Oghodua kevbe ọ gha dee vbe ikpakpa iso.”

Matiu 4:12

Ugbẹn vbe Jesu ghi họn ighe a mu e Jọn khui ye eghan, ọ kegha rrie Galili.

Iyẹn ne ọ Maan Ọghe Mak 13:26

Ẹkpo nii Ovbi Ọmwa gha ye egbe ladian, ọ ghi ke ikpakpa iso gha dee ke irẹn kevbe ẹtin kevbe uyi.

Iyẹn ne ọ Maan Ọghe Luk 18:8

Ne I tama uwa, ọ gha zẹgiẹ do buohiẹn ne iran. Sokpan Ovbi Ọmwa gha rre, ọ gha miẹn iyayi vbe agbọn?”

Iyẹn ne ọ Maan Ọghe Luk 21:27

Ẹkpo nii ọre Ovbi Ọmwa gha na ye gbe ladian, ọ ghi gha dee vbe ikpakpa iso, ke irẹn kevbe ẹtin kevbe uyi.

Iyẹn ne ọ Maan Ọghe Jọn 7:1

Vbe iyeke ọnọna, Jesu kegha lele Galili khian, ọ ma ho ne ọ khian lele otọ Judia rhunmwuda avbe Ju ni rre evba gualọ odẹ vbene iran gha ya gbe ẹe rua hẹẹ.

Iwinna 17:10

Vbe ọwarọkpa nii vbe ẹdẹ ghi wa mu, iran ne etẹn keghi viọ Pọl kevbe Sailas gha rrie Bẹrea. Iran ghi sẹ evba, iran na wa gha rrie Ọgua ediọn avbe Ju.

Iwinna 17:14

Vbe ọwarọkpa nii, avbe etẹn keghi wa rhie Pọl gha rrie eghute, sokpan Sailas kevbe Timoti keghi ye gha rre Bẹrea.

Iwinna 20:1

Ugbẹn vbe owogho ghi dọyọ nẹ, Pọl keghi tie ivbi iyayi, ọ keghi ya ẹmwẹ igiẹdu gbe ọkhian ẹdẹ hia ne iran. Rẹn keghi kpao, ọ na gha rrie Masidonia.

Iwinna 8:1

Ọ keghi wa yẹ Sọl wẹ a gbe ẹe rua. Ẹdẹ ne ẹdẹrriọ zẹẹ ọre esọsi ne ọ rre Jerusalẹm suẹn gha miẹn ukpokpo. Emwa ni yayi hia keghi zagha lele iwewe Judia kevbe Sameria hia, avbe ukọ ọre ọ ghi de kẹe.